हुम्ला

हुम्ला जिल्लाको खार्पुनाथ गाउँपालिकाको वडा नम्बर ४ को क्वारेन्टिनमा बस्दै आएका एक जना युवाको आरडिटी परिक्षण रिपोर्ट पोजेटिभ आएको छ । क्वारेन्टिन अबधि पुग्ने लागेको बेला आरडिट किट कोरोना संक्रमण परिक्षण गर्दा रिपोर्ट पोजेटिभ आएको हो ।

खार्पुनाथ गाउँपालिका वडा नम्बर ४ का १७ वर्षका युवामा दुई पटक कोरोना संक्रमण परिक्षण रिपोर्ट पोजेटिभ आएको गाउँपालिका अध्यक्ष कर्ण बहादुर रावलले बताएका छन् । आरडिटी परिक्षण गर्दा रिपोर्ट पोजेटिभ आउदा वडा नम्बर ४ को सिता माबिको क्वारेन्टिन रहेको क्षेत्रलाई शिल गरिएको अध्यक्ष रावलले बताएका छन । ती युवा १२ दिन अगाडी काठमाडौं, नेपालगंज, सुर्खेत, मुगु हुदै पैदल हुम्ला आएर क्वारेन्टिनमा बसेका थिए ।

रिपोर्ट पोजेटिभ आएपछि जिल्ला अस्पतालबाट चिकित्सक र स्वास्थ्यकर्मीको टोली भिटिए किट लिएर त्यसतर्फ लागेको छ । टोलीले रिपोर्ट पोजेटिभ आएका सहित ३२ जनाकै स्वाब संकलन गरी लिएको अध्यक्ष रावलले बताएका छन। वडा नम्बर ४ को छिप्रा गाउँमा त्रास बढेको छ ।