featured photo: Mansarowar Times

राज शाही हुम्ला

गत शनिबार संकलन गरिएका स्वाब तीन दिनपछि कर्णाली स्वास्थ्य बिज्ञान प्रतिष्ठान जुम्ला पुगेका छन् । बर्षाको कारण हवाई सेवा अबरुद्ध हुदा संकलित स्वाब हुम्लामै रोकिएका थिए ।

सडक यातायता नजोडिएका हुम्ला जिल्लामा बर्षाको कारण हवाई सेवा अबरुद्ध हुदा तीन दिनदेखि संकलित स्वाब सोमबार हवाई यातायात सुचारु हुदा कर्णाली स्वास्थ्य बिज्ञान प्रतिष्ठान जुम्लामा पठाइएको सिमकोट गाउँपालिका स्वास्थ्य शाखाका संयोजक दान बहादुर बोहराले बताएका छन् ।

जिल्ला बाहिरबाट आई बिभिन्न होम क्वारेन्टिनमा रहदै आएका ६१ जना ब्यक्तिहरुको स्वाब शनिबार संकलन गरिएको भएपनि हवाई यातायात सुचारु नहुदा रोकिएका थिए । सोमबार हवाई सेवा सुचारु हुदा समिट एयरमा जुम्ला पठाउन सहज भएको हो ।

संकलति स्वाब ७२ घण्टामा प्रयोग शालाका पुगि सक्नु पर्छ । जुम्ला पुग्ने बित्तिकै स्वाबको पिसिआर परिक्षण सुरु गरिने प्रतिष्ठानका निर्देशक डा. मंगल रावलले बताएका छन् । हवाई सेवा अबरुद्ध हुदा संकलित स्वाब खेर जाने अबस्था रहेको थियो ।