अति गरिव र विपन्न नागरिहरुलाई ५ सय ६४ जोर कपडा र १ सय थान सारी वितरण गरिएको छ । उक्त वितरण कार्य खार्पुनाथ गाउँपालिकाका ५ वटै वडामा वितरण गरिएको जानकारी प्राप्त भएको छ । उक्त वितरण कार्य नेपाली फिलिम जगतका महानायक राजेश हमाल संरक्षक रहेको कपडा बैंक नेपालको आर्थिक सहयोग र खार्पुनाथ गाउँपालिकाको सहकार्यमा उक्त कपडा तथा सारी वितरण गरेको बताएका छन् ।

उक्त कपडा खार्पुनाथ सम्म पुर्याउन र पहल गर्न सहयोग कपडा बैंकका अध्यक्ष कमल विसि र सदस्य विजय सापकोटा तथा प्रभु बैंक खार्पुनाथ शाखाका मेनेजर मेघाराज रहेका छन् ।उक्त कपडा वितरण कार्यले खार्पुनाथ गाउँपालिकाका ५ वटै वडाका गरिव विपन्नलाई राहत पुगेको सोही गाउँपालिकाका खरिदार भक्ति उपाध्यायले बताएका छन् ।यो सँगै खार्पुनाथ गाउँपालिकामा कपडा बैक पनि स्थापना भएको जानकारी प्राप्त भएको छ ।