०१ आषाढ २०८३, सोमबार
राज शाही सोमबार, पौष १५, २०८१ मा प्रकाशित
हिमाली जिल्ला हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार गरेको छ । उद्धार गरिएका व्यक्तिमा नाम्खा गाउँपालिका वडा नं ४ निवासी वर्ष ६५ का तुन्दुक लामा रहेका छन् । पौष १४ गते हुम्ला जिल्लाको नाम्खा गाउँपालिका वडा नं ४ को सल्ली खोलामा एक जना अलपत्र परेको जानकारी प्रहरी चौकी एल्बाङलाई प्राप्त भए सँगै त्यहाँ प्रहरी टोली खटी निजलाई उद्धार गरिएको जिल्ला प्रहरी कार्यालय हुम्लाले बताएको छ ।
सोही गाउँपालिका वडा नं २ को ढाँड केर्मीबाट वडा नं ४ को याल्बाङ जाने क्रममा सल्ली खोलामा एक जना वृद्ध व्यक्ति चिसोले अलपत्र परेको भन्ने खवर प्राप्त भए सँगै प्रहरी चौकी याल्बाङमा कार्यरत प्रहरी सहायक निरिक्षक सर्वजित शाहीको कमान्डमा ४ जनाको टोली खटि गइ निजलाई स्टेचरमा उद्धार गरी इलाका स्वास्थ्य चौकी याल्बाङमा उपचार गराइएको हो ।
निजको उपचार गरी स्वास्थ्यमा सुधार आएपछि निजका ज्वाइ नाता पर्ने आफन्त लालबहादुर तामाङको जिम्मा लगाएको जिल्ला प्रहरी कार्यालयले जनाकारी दिएको हो । यसरी नेपाल प्रहरीले आफ्नो तोकिएको काम मात्र नगरी जनताको जनहितका लागी सामाजिक काम गरी पुन्य समेत कमाउदै आएको छ ।
बालबालिकाका कार्यक्रममा अभिभावक साथमा राख्नु पर्ने नाम्खा उपाध्यक्षः तक्दिर लामा
जिल्ला प्रशासन कार्यालयका सम्पुर्ण कार्यक्रम बहिस्कार
झुठ्ठा मुद्दा खारेजीको माग गर्दै हुम्लामा बिरोध प्रदर्शन
