आगामी मङ्सीर १६ गते हुने सर्केगार्ड गाउँपालिकाको उपाध्यक्ष पदको उपनिर्वाचनका लागि मतदान केन्द्रमा खटिने कर्मचारी छनौट गर्ने कार्य भएको छ । उपनिर्वाचनका लागि कर्मचारी खटनपटन उपसमितिले सिफारिस गरेका कर्मचारीलाई मुख्य निर्वाचन अधिकृतको कार्यालयले सदर गरेको हो । मुख्य निर्वाचन अधिकृत शम्भुप्रसाद बरालले उपनिर्वाचनका लागि ७३ जना कर्मचारी खटिएको बताए छन ।

उनले उक्त निर्वाचनका लागि बाह्र वटा मतदान स्थलमा तेह्र बटा मतदान केन्द्र रहेको बताए छन । यसका लागि तेह्र जना मतदान अधिकृत, तेह्र जना सहायक मतदान अधिकृत, प्रत्येक मतदान केन्द्रका दुई जना सहायक कर्मचारी र एक एक कार्यालय सहयोगी खटिएका छन् । त्यसैगरि मतदानको बेला प्रत्ये मतदान केन्द्रमा एक एक जना स्वयम सेवक भर्ना मतदान अधिकृत गर्ने छन् ।

मतदान केन्द्रमा खटिएका कर्मचारीहरुलाई बुधबार तालिमको प्रदान गर्ने र कुन कर्मचारी कुन मतदान केन्द्रमा खटिने त्यसको टुङ्गो पनि लगाईनेछ । त्यसैगरि मङ्सीर १२ गते कर्मचारीलाई मतदान सामाग्री बुझाएर १३ गतेबाट मतदान केन्द्रतर्फ खटाईनेछ ।