पछिल्लो समय हुम्ला जिल्लाका ज्येष्ठ नागरिकहरूमा एक्लोपनको सिकार बढ्दै गइरहेको जेष्ठ नागरिक जिल्ला संघ हुम्लाको एक अध्ययनले देखाएको छ । हुम्ला जिल्लामा गरिएको एक अध्ययनमा ‘उक्त कुरा देखिएको हो  । अध्ययनमा छोराछोरी विदेश तथा सहर बजार पठाउने ज्येष्ठ नागरिकहरूमा भावनात्मक एक्लोपनाको गम्भीर समस्याले सताएको देखिएको छ । अध्ययनमा सहभागीबाट सामाजिक र भावनात्मक गरी दुई किसिमको एक्लोपना देखिएको पाइएको हो  ।

‘उक्त संघका अनुसार गाउँमा भएका जेष्ठ नागरिकको मानसिक अवस्था पत्ता लगाउन अध्ययन गरिएको थियो। ‘सहभागी मध्येमा चार जनामा एकलाई भावनात्मक, तीन जनामध्ये एक जनालाई डिप्रेसन र दुई जनामध्ये एकलाई सामाजिक एक्लोपनले सताएको पाइएको छ । उक्त संघका अनुसार मेरो कोही सहारा तथा साथी नभएको विचार सामाजिक र म एक्लो वा दुःखी छु भन्ने’ कुरा भावनात्मक एक्लोपनको सूचक मानेर अध्ययन गरिएको हो ।

‘ज्येष्ठ नागरिकका सवालमा अध्ययनमा आधारित रहेर नीति बनाउनुपर्ने, सुशासन कायम गरिनुपर्ने, ज्येष्ठ नागरिकको आवश्यकताको विषयमा जिल्लाका ७ वटै गाउँपालिकाले उत्तरदायी भएर सम्बोधन गर्नुपर्ने अपेक्षा राखेका थिए,। ‘यसैगरी ज्येष्ठ नागरिकलाई जमघट हुन सामाजिकीकरणका कार्यक्रम ल्याउनुपर्ने, प्रत्यक्ष रूपमा ज्येष्ठ नागरिक सम्बन्धी सूचना प्रभावकारी ढंगबाट उपलब्ध गराउनुपर्ने, शारीरिक गतिविधिका लागि व्यायामशाला र खेलकुदको स्थान छुट्याउनुपर्ने र डिजिटल साक्षरता सम्बन्धी तालिम प्रदान गर्नुपर्ने अपेक्षा जेष्ठ नागरीकले राखेका छन्  ।