जिल्ला प्रशासन कार्यालय हुम्लाको निरिक्षण गरिएको छ । हुम्ला जिल्ला अदालतका न्यायाधीश शम्भु प्रसाद बरालको संयोजनमा उक्त कार्यालयको निरिक्षण गरिएको हो । सुक्रबार दिनको १ वजे गरिएको निरिक्षणमा हुम्ला जिल्ला अदालतका श्रेस्तेदार ज्ञानबहादुर खत्री, नायव शुब्बा विषन रोकाया र तामेलादार डिठ्ठा राजबहादुर शाहीको सहभागिता रहेको थियो ।

जिल्ला प्रशासन कार्यालयको निरिक्षणमा आर्थिक वर्ष ०८।८१ मा जम्मा ४ थान मुद्दा दर्ता भएकोमा ४ वटै फर्च्छौट भइ सकेको पाइएको छ । मुद्दा फाँट अलगै भएको भए पनि इजलास अलग नभएको पाइएको हो । दर्ता भएका ४ वटा मुद्दा मध्य दुई वटा अभद्र व्यवहार, एक वटा जुवा र एक वटा सवारी दुर्घटनाको क्षेतीपुर्ती भराइ पाउँ भन्ने रहेको जिल्ला प्रशासन कार्यालयका नायव शुब्बा घमान सिंह रावतले बताएका छन् ।

मुद्दाको सुनुवाइ, दर्ता प्रक्रिया, पुनरावेदन म्याद, तारेख दिने, फैसलामा टिर्पोट, ठहर खण्ड, तपशिल खण्ड कानून संगत नै भएको पाइएको हुम्ला जिल्ला अदालतका न्यायाधीश शम्भु प्रसाद बरालले बताएका छन् । हुम्ला जिल्ला अदालतको बार्षिक कार्ययोजना अन्तरगत अर्धन्यायीक निकायको निरिक्षण गर्ने उल्लेख भए बमोजिम जिल्ला प्रशासन कार्यालयको निरिक्षण भएको हो ।