नेपालगन्ज हुँदै हुम्ला सिमकोट भएर मानसरोवर कैलास जाने विदेशी पर्यटकको संख्या १ सय ५० जना पुगेको छ । उनीहरु बैशाख १ गते देखि जेठ २५ गते सम्मको हुम्लाको सिमकोट हुदै मानसरोवर कैलास गएका हुन । नाम्खा गाउँपालिका वडा नं ५ यारीमा स्थापना भएको यारी प्रहरी चौकीको तथ्याङक अनुसार हाल सम्म उक्त नाका भएर २१ देशका नागरी मानसरोवर कैलास गएको यारी प्रहरी चौकीका प्रहरी सहायक निरिक्षक भरत बाबु भट्टले बताएका छन् ।

जसमा ब्राजिलबाट पुरुष १, चाइनाका पुरुष १,जर्मन पुरुष ७, महिला २४ गरी ३१जना, स्पेन महिला २, पुरुष १ गरी ३ जना, स्वजरल्या पुरुष ३ महिला ३ गरी ६ जना, अमेरिकन महिला ६ पुरुष १६ गरी २२ जना,इटालीयन पुरुष ३, अस्टेलियन पुरुष ४, महिला ५ गरी जम्मा ९ जना, आयरल्याड पुरुष २, युकेन महिला ३ पुरुष ४ गरी ७ जना, क्यानडा पुरुष ६, महिला १ गरी ७ जना, भारतीय पुरुष १, फ्रान्स पुरुष १२, महिला १ गरी १३, जानिज पुरुष ३, नर्वे महिला १, ग्रिक पुरुष २, इन्डोनेसिया पुरुष १, स्वइस पुरुष १ र रसियन पुरुष २१ गरी जम्मा १ सय ५० जनाले सिमकोट हुँदै यारी नाका भएर मानसरोवर कैलासको दर्सन गर्न १ सय ५० जना विदेशी प्रर्यटक गएको पाइएको छ । उनीहरु केही मानसरोवर कैलासको दर्शन संगै लिमी भ्यालीको अवलोकन गरी फर्केको पाइएको छ भने केही यारी नाका भएर फिर्ता भएको पाइएको छ ।