आगलागी पीडित लक्षीमा सिंहको जिल्ला अस्पतालमा उपचार नहुने भएको छ । माघ २५ गते हुम्ला जिल्लाको खार्पुनाथ गाउँपालिका वडा नं ५ को याँङचु (डाँडाबाडा) नजिक आँसी काट्ना माथिको सार्वजनिक मेलामा आगलागी हुँदा घाइते सिंह आगो नियन्त्रणका लागी गएकी थिइन । आगो नियन्त्रणकै क्रममा आगोको रापले हात मुख छाती टाउँको लगाएतका ठाउँमा जलि बोल्न नसक्ने वेहोस अवस्थामा रहेकी छन् ।

प्राथामिक उपचार सामुदायीक अस्पताल खार्पुनाथ मै भए पनि त्यहाँ उपचारमा सम्भव नभए पछि जिल्ला अस्पताल सिमकोट हुम्लामा रिफर गरिएको थियो । रिफर गरिएका आगलागी घाइतेको उपचारमा खटिएका जिल्ला अस्पतालका डाक्टर कैलास लामा, वरिष्ठ अनमी सरिता बोहराको चिकित्सकिय टोलीले हुम्लामा उपचार हुन नसक्ने भन्दै आजै जिल्ला बाहिर रिफर गरेको छ । घाइते सिहको छाती घाटी तथा हातमा र मुखमा वढी जलेकाले हुम्ला जिल्ला अस्पतालमा उपचार हुन नसक्ने भन्दै आजै रिफर गरिएको हो ।