featured photo: Mansarowar Times

हुम्ला जिल्लाको बस्ती स्तर सम्म हिमपात भएको छ । होचा खोच सम्म हिमापात हुँदा धुलो धुवा केही मथर भएको देखिन्छ । यस अघि हिमपात तथा पानी नपर्दा गाउँ वस्तीमा सुख्खा खडेरी भइ धुलो धुवाँ उडाइ रुघा खोकी जस्ता समस्या रहेको थियो । विहिबार विहान २ वजेबाट परेको हिमपात सँगैको पानीले केही मथर गरेको पाइन्छ ।

यो हिमपातले ३ वटा गाउँपालिकाका एसइइ दिने विद्यार्थीलाइ सास्ती बनाएको छ । १४ वर्ष देखि १८ वर्ष सम्म नाबालबालिकालाई सदरमुकाम सिमकोटमा टिउसन पढ्न चिसोले समस्या गरेको एसइइ टिउस पढ्ने विद्यार्थीले बताएका छन् । एका विहानै टिउसन कक्षा सुरु हुने र पठन पाठ गर्न जाँदा हिमापात सँगै लागेको हावा हुरीले चिसोमा कठ्याङग्रीने गरेको विद्यार्थीले बताएका छन् ।

सदरमुकाम सिमकोटमा हुम्ला जिल्ला निर्वाचन क्षेत्र ख का ३ वटा गाउँपालिकाका विद्यार्थी टिउसन पढ्ने गरेका छन् । जसमा खार्पुनाथ, सिमकोट र नाम्खा गाउँपालिकाका करिव १ सय भन्दा वढी विद्यार्थी सिमकोटमा टिउसन पठन पाठन गर्दै आएका छन् ।