हिमाली जिल्ला हुम्लामा बाढी पहिरो पीडितलाई राहत स्वरुप चामल वितरण गरिएको छ ।कर्णाली प्रदेश पुर्व मुख्य मन्त्री जिवनबहादुर शाही र अदानचुली गाउँपालिका अध्यक्ष मोहन विक्रम सिहको पहलमा करिव १० लाख बराबरको राहत खाध्यन्न वितरण कार्य सुरु भएको छ ।

नेपाली काँग्रेस केन्द्रिय कार्यालयको आर्थिक सहयोगमा हुम्ला जिल्लाको दक्षिणी क्षेत्रको अदानचुली गाउँपालिका वडा नं २को फडेरा बाडा र ३को बुढा गाउँमा वितरण गरिएको हाम्रा स्थानिय संवाददाता राम बुढाले बताएका छन् । वुढाका अनुसार उक्त गाउँपालिका भरि ५ सय ७२ घर धुरी रहेकोमा विहिवार १ सय ५७ घरधुरीलाई ३० केजीको १ कट्टा चामल राहतस्वरुप वितरण गरिएको बताएका छन् ।

उक्त गाउँपालिकाका सम्पुर्ण वडामा राहत स्वरुपको खाध्यन्न वितरण गर्दै जाने बुढाले बताएका छन् । नेपाली काँग्रेस अदानचुली गाउँपालिका सभापति विष्णु भण्डारीको हातबाट विहिवार १ सय ५७ घरधुरीलाई खाध्यन्न वितरण गरेको र अन्य वडालाई क्रमस वितरण गरीने जानकारी प्राप्त भएको छ । गत भाद्र महिनामा अदानचुलीको कालागाड देखि तलको खेबारीमा लगाएको कार्तिकेवालीमा बाढी पहिरोले ठुलो क्षेती पुर्याएको थियो ।