जिल्लामै सर्वाधिक पुरस्कार राशीको दोस्रो जिल्ला स्तरीय गौरी साँया भलिवल कप प्रतियोगिता कात्तिक १० गतेबाट हुने भएको छ । प्रतियोगिता पुरुष तथा महिलाहरुबिच छुट्टाछुट्टै रुपमा सञ्चालन हुनेछ । रोयल गौरी साँया युवा क्लबका सचिब कबिन्द्र शाहीले दोस्रो गौरी साँया भलिवल कप कात्तिक १० गतेदेखि १५ गतेसम्म सर्केगार्ड गाउँपालिका केन्द्र सर्केगार्डका झापुकुना खेल मैदानमा सञ्चालन हुने बताएका ।

प्रतियोगितामा जिल्ला भरिका खेलाडीहरुले भाग लिन पाउने बताउदै उनले टिम दर्ता कार्य असोज ३० गतेवाट सुरु भएर कातिक ९ गतेसम्म हुने बताएका हुन । प्रतियोगितामा पुरुषतर्फ प्रथम, द्धितीया र तृतीया हुने टिमले क्रमश एक लाख ११ हजार १११, ५५ हजार ५५५, ३३ हजार ३३३ रुपियाँ नगद प्राप्त गर्नेछन् । त्यसैगरि महिलातर्फ प्रथम हुनेले ३३ हजार ३३३, द्धितीया हुनेले २२ हजार २२२ र तृतीया हुनेले ११ हजार १११ रुपियाँ नगद प्राप्त गर्नेछन् ।