आइरन तथा फोलिक एसिड वितरण गरिने भएको छ । १० वर्ष देखि १९ वर्ष सम्मका किसोरीहरुलाई साउन २५ गते आइरन तथा फोलिक एसिड वितरण गरिने भएको लौठी स्वास्थ्य चौकी कालिकाले जनाएको छ । उक्त वितरण कार्य कर्णाली प्रदेश हुम्ला जिल्ला अदानचुली गाउँपालिका वडा नं ५ लौठी स्वास्थ्य चौकीले वितरण गर्न लागेको हो ।

उक्त स्वास्थ्य संस्थाको कार्यक्षेत्र भित्र पर्ने विद्यालयका किसोरीहरुलाई आइरन तथा फोलिक एसिड वितरण गर्ने भएको हो । साउन २२ गते सोही स्वास्थ्य चौकी व्यवस्थापन समितिको बैठक वसी क्षेत्राधिकार भित्रका विद्यालयमा पुगी किसोरी अवस्थामा हुने परिवर्तन तथा राष्ट्रिय आइरन तथा फोलिक एसिड वितरण कार्यक्रमको बारेमा विद्यालय स्वास्थ्य शिक्षा कार्यक्रम संचालन गरेको छ ।

उक्त कार्यक्रम संचालन गरे सँगै साउन २५ गते आइरन वितरण गर्ने कार्यक्रम रहेको अदानचुली गाउँपालिका वडा नं ५ का वडा अध्यक्ष कमल छत्यालले बताएका छन् । सो स्वास्थ्य चौकीको कार्यक्षेत्र भित्र कैलापुरी माध्यामिक विद्यालय पाल्स, सर्केदेउ प्राथामिक विद्यालय लमही, काँखे आधारभुत विद्यालय काँखे, सुपाखेत प्रथामिक विद्यालय बारिगाउँ, हिमालचुली आधारभुत विद्यालय कर्गई, सल्लाघारी माध्यामिक विद्यालय लगाएत विद्यालय रहेका छन् ।