विद्यालयमा छात्रालाई नियमितता गर्नका लागी भित्री वस्त्र वितरण गरिएको छ । वालमन्दिर माध्यामिक विद्यालय सिमकोट हुम्लाले एक कार्यक्रमको आयोजना गरि छात्राहरुका लागी भित्री वस्त्र वितरण गरेको जानकारी प्राप्त भएको छ । छाउ भएका वेला विद्यालयमा छात्राको उपस्थितको संख्या वृद्धी गर्नका लागी पनि उक्त बस्त्र वितरण गरिएको सिमकोट गाउँपालिका स्वास्थ्य शाखा नर्सिह स्टाप मनमाया वलीले बताएकी छन् ।

सिमकोट गाउँपालिकाको आर्थिक सहयोगमा उक्त वस्त्र वितरण गरीएको हो । उक्त गाउँपालिका स्वास्थ्य शाखाले सिमकोट गाउँपालिका भित्र स्थापित सवै विद्यालयका छात्रालाइ उक्त वस्त्र वितरण गर्ने कार्यक्रम रहे बमोजिम कैलास माध्यामिक विद्यालय डाँडाफया, सैपाल माध्यमिक विद्यालय स्याँडा , कर्णाली माध्यामिक विद्यालय चौगान फया , मानसरोवर नमुना माध्यमिक विद्यालय सिमकोट, बालमन्दिर माध्यमिक विद्यालय सिमकोटलाई वितरण गरि सकिएको नर्सिह स्टाप वली शाहीले बताएकी छन् ।

शाहीका अनुसार मानसरोवर नमुना माध्यमकि विद्यालयमा कक्षा ६ देखि १२ सम्मका र अन्य विद्यालयका कक्षा ६ देखि १० कक्षा सम्मका छात्राहरुलाई प्रति छात्रा २ थानका दरले भित्री वस्त्र वितरण गरेको जानकारी प्राप्त भएको छ । भित्री वस्त्रमा पेन्टी कट्टू रहेका छन् ।