शिक्षक मधु बस्नेत शाही (मधुश्री)द्धारा रचित गजल संग्रह सर्वनाम विमोचन हुने भएको छ । उक्त विमोचन सुक्रबार दिनको २ बजे मानसरोवर होटलमा विमोचन गरिने भएको छ । विमोचन कार्यक्रममा साहित्यमा रुचि राख्ने व्यक्तित्वहरुको उपस्थित रहने भएको छ ।

बालमन्दिर माध्यमिक विद्यालयकी शिक्षक मधु बस्नेत शाही (मधुश्री)ले हुम्ला जिल्लामै बसेर चार वटा साहित्यिक कृति रचना गरेकी छन्। शिक्षण पेसा र घरायसी कामबाट बचाएको समयले साहित्यकार बस्नेतले यी कृति रचना गरेकी हुन्।साहित्यकार बस्नेतले परिवेश र वातावरण राम्रो नभए पनि हालसम्म चार वटा कृति रच्न सफल भएको बताइन्। उनले रचना गरेका कृतिमा कथा, कविता र गजल संग्रह छन्।उनले विशेष गरी विद्यालयमा शिक्षण पेशाबाट बचेको समयलाई सदुपयोग गर्दै यी कृति तयार पारेकी हुन्। उनको पहिलो कृति मधुमाधव कथा संग्रह छ भने उक्त संग्रहमा २१ वटा कथालाई समेटिएको छ।

त्यसैगरी, दोस्रो कविता संग्रह बुनु रहेको छ। त्यसमा ४४ वटा कविता समेटिएको छ। बस्नेतको तेस्रो साहित्यिक कृतिमा तिमी र म गजल संग्रह छ।उक्त गजल संग्रहमा ५० वटा गजल समावेश छन्। उनको भर्खरै प्रकाशित भएर विमोचन हुन बाँकी गजल संग्रह सर्वनाम रहेको छ।यसमा ५६ वटा गजल संगृहीत छन्। यसलाई चाँडै विमोचन गर्ने तयारी गरिएको छ। यी चार वटै कीर्तिमा बस्नेतले माया प्रेम, विकृति, विसंगतिलाई मुख्य विषयबस्तु बनाएर तयार पारेकी छन्।