गाउँ कार्यपालिका सदस्यले आफ्नो पारिश्रम बापत प्राप्त रकमबाट जेष्ठ नागरिकलाई जकेट उपलब्ध गरेका छन् । उपलब्ध गराउनेमा कर्णाली प्रदेश हुम्ला जिल्लाको अदानचुली गाउँपालिका वडा नं ३ का वडा सदस्य एव अदानचुली गाउँपालिका गाउँ कार्यपालिका सदस्य कमलबहादुर नेपाली रहेका छन् । उनले आप्नो वार्षिक प्राप्त पारिश्रमबाट १ सय भन्दा वढी जेष्ठ नागरीकलाई जकेट वितरण गरेका हुन ।

उक्त जाकेटको मुल्य करिव २ हजार देखि २ हजार ५ सय सम्म पर्ने गरेको छ । अदानचुली गाउँपालिका वडा नं १ देखि ६ नं वडा सम्मका ६० वर्ष देखि माथिका जेष्ठ नागरीकहरुलाई मंगलबार एक कार्यक्रमको आयोजना गरी अध्यक्ष मोहन विक्रम सिह, उपाध्यक्ष कर्ण रोकाया, (सुधार) प्रमुख प्रशासकिय अधिकृत मेघ नाथ शाही, वडा नं ५ का वडा अध्यक्ष कमल छत्याल लगाएतका जनप्रतिनिधि स्थानियवासीको उपस्थितमा वितरण गरिएको खवर प्राप्त भएको छ ।