शारीरिक रुपमा फरक क्षमता भएका बालबालिकालाई विद्यालय पोशाक सँगै स्टेस्नरीका सामाग्री सहयोग गरिएको छ । उक्त सामाग्री हुम्ला जिल्लाको सदरमुकाम सिमकोटमा संचालित वहिरा तथा बहुदिक अपाङ्ग छात्रा बास साहार समुहलाई उपलब्ध गराइएको हो ।हुम्ला जिल्लाको सिमकोट गाउँपालिकाका अध्यक्ष विजय भण्डारी, उपाध्यक्ष शुसिला रोकायाको पहलमा र आधार नेपालको स्थलगत अध्ययन पछि उक्त सामाग्रि आधार नेपालले हस्तन्तरण गरिएको हो ।

हुम्ला जिल्लाका सिमकोट र नाम्खा गाउँपालिकामा शिक्षा स्वासथ्यका क्षेत्रमा काम गर्दै आएको उक्त संस्थाले फरक क्षमता भएका विद्यार्थीहरुका लागी मध्यम साइजको कापी २ सय थान, बाक्लो कापी १ सय ६० र अन्य १ सय ४०,पेन्सिल कटर ६०, साइनपेन कलर ५६ पाकेट, अङ्क लेखन पुस्तीका २५ र विद्यालय पोशाक सँग मिल्दो जुल्दो ट्याक्सुट ४६ जोर हस्तान्तरण गरेको सोही संस्थाका शिक्षा संयोजक कुन्जोक लामाले बताएका छन् ।