१३ बैशाख २०८२, शनिबार
राज शाही मंगलबार, जेठ २३, २०८० मा प्रकाशित
हिमाली भेगको मध्य क्षेत्रमा रहेको सर्केगाड गाउँपालिका आँखा शिविर संचालन हुने भएको छ । उक्त क्षेत्रमा रहेका स्थानियवासीमा आँखा सम्बन्धी समस्या वढी देखिए पछि उक्त गाउँपालिकाका अध्यक्ष ठानबहादुर रोकाया उपाध्यक्ष चन्द्रसिह कार्कीको पहलमा सोही गाउँ पालिकामा २ दिन आँखा शिविर संचालन हुने भएको सोही गाउँपालिका स्वास्थ्य संयोजक किरण बुढाथोकीले बताएका छन् ।
संयोजक वुढाथोकीका अनुसार सो शिविर आषाढ १ र २ गते साँया स्वास्थ्य चौकी सर्केगाडमा संचालन हुने भएको हो । सो शिविरमा मोतिया विन्दुको निशुल्क स्वास्थ्य शिविर संचालन हुने भएको हो । त्यसै गरी नाम्खा गाउँपालिकामा पनि उक्त शिविर संचालन हुने भएको छ ।
नाम्खा गाउँपालिका वडा नं ६ लीमी, हल्जी र तील गाउँका आखा सम्बन्धी रोगका रोगीहरुको उपचारका लागी हल्जी स्वास्थ्य चौकीमा आँखा शिविर संचालन हुने भएको हो । सो शिविर अषाढ ५ गते संचालन हुने छ । नाम्खा गाउँपालिका अध्यक्ष प्रेम लामा उपाध्यक्ष तक्दिर लामा र प्रमुख प्रशासकिय अधिकृत मोहनबहादुर शाहीको पहलमा सो शिविर संचालन हुन लागेको सोही वडाका वडा अध्यक्ष पाल्जोर तामाङले बताएका छन् ।
बन्द हुदै आएको कर्णाली करिडोरको बोक्चेगौडा सडक आजबाट खुल्ला
एकिकृत सामुदायिक बिकास परियोजना ब्यबस्थापन समिति गठन
हुम्ला जिल्ला अदालतद्धारा अर्ध न्यायिक निकायहरूको अनुगमन कार्यलाई तिव्र
