अविरल वर्षाले सडक भत्कदा आन्तरिक सवारी सादन आवत जावत वन्द भएको छ । कर्णाली प्रदेशको सर्केगाड गाउँपालिका वडा नं १ को खच्चामा निर्माण भएको सडक भाँसिदा आन्तरिक सवारी साधन संचालनमा अवरुद्ध भएको हो ।

कर्णाली करिडोर अन्तरगत सर्केगाड गाउँपालिका वडा नं १ को खच्चा खण्डमा तल कर्णाली र माथि सडक भएकाले कर्णाली नदिले तलबाट जग भत्काए पछि उक्त सडक भासिएको र विगत ३ दिन देखी उक्त सडकमा संचालन हुने सवारी साधन संचालनमा आउन नसकेको जानकारी प्राप्त भएको छ ।

नेपालगन्ज, सुर्खेतबाट हुम्ला जिल्लामा आउने यात्रुहरु खच्चा मै झर्ने गरेको र उक्त सडक भन्दा यता मानिसहरु सवारी साधनमा आउन नसकेको जानकारी प्राप्त भएको छ । त्यसै गरी हुम्ला जिल्लाको सरीसल्ला सर्केगाड लगाएतमा होटल पसल गरी वसेका व्यापारीको सामान संगै निर्माण व्यवासायीका सामाग्री ढुवानी हुन नसकेको जानकारी प्राप्त भएको छ ।