featured photo: Mansarowar Times

राष्ट्रिय कार्यक्रम अन्तरगत किसोरीहरुलाइ आइरन तथा फोलिक एसिड खुवाने कार्य सुरु गरीएको छ । कर्णाली प्रदेशको सिमकोट गाउँपालिकामा आइरन तथा फोलिक एसिड खुवाउने कार्य आइतबारबाट सुरु गरिएको सोही गाउँपालिका स्वास्थ्य शाखा प्रमुख नर भण्डारीले बताएका छन् ।

१० देखि १९ वर्ष सम्मका किसोरीलाई खुवाउने उक्त औषधी ३ वटा केन्द्रबाट खुवाउने कार्य हुने शाखा प्रमुख भण्डारीले बताएका छन् । विद्यालयमा रहेका किसोरीहरुलाई विद्यायमा खुवाउने, विद्यालय बाहिर रहेका किसोरीलाई समुदायमा सामुदायीक महिला स्वास्थ्य स्वयम सेविका तथा स्वास्थ्यकर्मी खठाइ समुदायमा खुवाने र समुदायमा नभेटिएका किसोरीहरुलाई स्वास्थ्य संस्थामा सम्पर्क गराइ स्वास्थ्य संस्थामा खुवाउने प्रवन्ध गरीएको जानकारी प्राप्त भएको छ ।

१० देखि १९ वर्षका किसोरीलाई आइरन तथा फोलिक एसिड खुवाएमा रक्त अलपता तथा जन्मजात विकृती हुनबाट जोगाउनु रहेको प्रमुख भण्डारीले बताएका छन् । सिमकोट गाउँपालिकाका ८ वटै वडामा एकै साथ आइतबारबाट उक्त कार्यक्रम सुरु भएको बताएका छन् । १३ हप्ता सम्म निरन्तर खुवाउनु पर्ने भएकाले सिमकोट गाउँपालिकाका विद्यालय, समुदाय र स्वास्थ्य संस्थामा प्रत्येक आइतबार खुवाउने कार्यक्रम तय भएको प्रमुख भण्डारीले बताएका छन् । बालमन्दिर मानसरोवर कर्णाली रलिङ कैलास माध्यामिक विद्यालयमा ९ सय ३६ किसोरीलाई आइरन तथा फोलिक एसिड खुवाइएको भण्डारीले बताएका छन् ।