सडक भत्किदा सवारी साधनलाई आवत जावतमा समस्या भएको छ । हिमाली जिल्ला हुम्लाको सर्केगाड गाउँपालिका वडा नं १ को खच्चा देखि पानी मुल सम्मको सडक ठाउँ ठाउँमा भत्कदा सवारी साधनलाइ आवत जावत गर्न समस्या हुनुका साथै गाडी सवार यात्रूहरुलाई समेत समस्या हुने गरेको मानसरोवर टाइम्स सर्केगाड शाखा प्रमुख धनबहादुर कार्कीले बताएका छन् । प्रमुख कार्कीका अनुसार अविरल वर्षा सँगै परेको पानीले केही सडक भत्काएको र केही सुख्खा पहिरो जाने गरेकाले पनि सवारी साधन संगै यात्रुहरुलाई समस्या गरेको बताएका हुन ।

कोही कसैको सडक मर्मतका लागी ध्यान नजाँदा सवारी साधनमा सवार यात्रुहरुले आफै सडक मर्मत गर्दै गाडी संचालनमा ल्याउने गरेको कार्कीले बताएका छन् । उनका अनुसार दैनिक सजो सवारी साधनमा यात्रा गर्ने यात्रुहरुले मर्मत गर्नु परेको बताएका छन् ।यसले गर्दा सवारी साधन दुर्घटना नहोला भन्न नसकिने अवस्था रहेको पाइएको हो । उक्त सडक मर्मतका लागी सरवकारवालाको ध्यान जानु जरुरी देखिएको हो ।