१७ माघ २०८२, शुक्रबार
राज शाही शुक्रबार, बैशाख २९, २०८० मा प्रकाशित
हिमाली जिल्ला हुम्लाको सदरमुकाम सिमकोट गाउँपालिका वडा नं ५ र ६ का आयोजनाहरुको अनुगमन गरिएको छ । कर्णाली प्रदेशका पुर्व मुख्य मन्त्री जीवनबहादुर शाहीको नेतृत्वमा ति योजनाहरुको अनुगमन गरिएको रेडियो कैलासका निर्देश जनक शाहीले बताएका छन् । संघ प्रदेश र स्थानिय तहबाट विनियोजित वजेटले निर्माणा धिन र निर्माण कार्य सम्पन्न भएका योजनाहरुको मुख्य मन्त्री शाहीको नेतृत्वको टोलीले अनुगमन गरेको हो । अनुगमन गरिएका आयोजनाहरुमा सिमकोट गाउँपालिका वडा न ५ मा निर्माण धिन वसपार्क, शिव मन्द्रिर, वडा नं ५ र ६ मा निर्माण हुँदै गरेको रिङ रोड, वडा नं ६ को मुग्रा धारा देखि बारा सम्मको सडक अनुगमन गरेको निर्देशक शाहीले बताएका छन् ।
अनुगमन गरिएका आयोजनाका कामहरु केही सुरुवाती चरण र केही मध्य चरणमा निर्माण भइ रहेकाले हाल सम्मको काम निर्माण कम्पनी, निर्माण उपभोक्ता समितिले राम्रै गरेको देखिएको र यो भन्दा पछि पनि गुणस्तरीय ढंङ्गले काम गर्न पुर्व मुख्य मन्त्री शाहीले निर्देशन दिएका छन् । आर्थिक वर्षको अन्त्य तिर आइ सकेकाले यी आयोजनाको चाँडो काम गरी भुक्तानी लिन पनि शाहीले निर्देशन दिएका छन् । काम गुणस्तरिय गर्न निर्माण कम्पनी, निर्माण उपभोक्ता समितिलाइ निर्देशन दिएका छन् । त्यसै गरी कामको गुणस्तरका बारेमा समय समयमा अनुगमन गर्न पनि सिमकोट गाउँपालिकाका उपाध्यक्ष सहित वडा अध्यक्ष, प्राविधिकलाई निर्देशन पनि दिएको बुझीएको छ ।
मुख्य मन्त्री नेतृत्वको अनुगमन टोलीमा जिल्ला समन्वय समितिका प्रमुख शिवराज सर्मा, सिमकोट गाउँपालिका कार्यवाह अध्यक्ष शुसिला रोकाया, प्रमुख प्रशासकिय अधिकृत उजिर रोकाया, नेपाली काँग्रेसका पुर्व सभापति जयपति रोकाया, अदानचुली गाउँपालिकाका अध्यक्ष मोहन विक्रम सिह लगाएत संचारकर्मीको सहभागिता रहेको थियो ।
अनुमति लिएर राखिएका हातहतियार बुझाउन अपिल
लोकतन्त्रको सुन्दर पक्ष निर्वाचन भएको , काँग्रेस उम्मेदवार रोकाया
प्रतिनिधिसभा निर्वाचनका लागि हुम्ला जिल्लाबाट ८ वटा दलले मनोनयन दर्ता
