जिल्लामा सडक संजाल जोडिए सँगै अपराधिक गतिविधि पनि वढ्न थालेका छन् । यस अघि जिल्ला सदरमुकाम सिमकोटमा साना वा ठुला चोरी हुने गरेकोमा अहिले गाउँ पालिकाका सदरमुकाम सहित वडाहरुमा पनि चोरी हुन थालेको छ । हुम्ला जिल्लाको जिल्ला सदरमुकाम सिमकोटबाट ३ दिनको पैदल मार्ग रहेको अदानचुली गाउँपालिका वडा नं ३ मा चोरी भएको छ । बुधबार राती अगात समुह वा व्यक्तीले ३ वटा पसलमा चोरी गरेको हाम्रा अदानचुली संवाददाता राम बुढाले बताएका छन् ।

चोरी हुनेमा अदानचुली गाउँपालिका वडा नं ३ का भिमबहादुर रोकाया, डबल रोकाया र चित्र भण्डारीको पसल चोरी भएको संवाददाता वुढाले बताएका छन् । चोरी गर्नेको खोजी कार्य तिब्र भइ रहेको जानकारी प्राप्त भएको छ । तिन वटा पसलको प्रहरी मुचुल्का गर्दा करीव १ लाख बराबरको चोरी भएको वुढाले बताएका हुन । चोरी भएको पसलको आज अदानचुली गाउँपालिकाका जनप्रतिनिधि सुरक्षाकर्मी लगाएत स्थानियवासीले मुल्याङकन गरी मुचुल्का तयार गरेको जानकारी प्राप्त भएको छ ।