हुम्लाको अदानचुली गाउँपालिकाकामा स्थापना भएको श्रीनगर स्वास्थ्य चौकी व्यवस्थापन समित पुनर गठन गरिएको छ । वडा अध्यक्ष डिलबहादुर फडेरा अध्यक्ष, उपाध्यक्षमा वडा सदस्य किडि भण्डारी फडेरा, स्वास्थ्य संस्था रहेको क्षेत्रको विद्यालयको प्रमुख १ जनामा छत्रपाल आधारभुत विद्यालयकी शिक्षिका मन्जु फडेरालाई मनोनित गरेको छ ।

त्यसै गरी अन्य सदस्यहरुमा वडा सचिव सन्जा कुमारी थापा, बजार व्यवसायीबाट बुद्धी महतारा, संरक्षकबाट मनोनित स्थानिय लब्ध प्रतिष्ठित स्वास्थ्य क्षेत्रको जानकार सदस्यमा निर्मला बुढा र सदस्य सचिवमा स्वास्थ्य चौकी इन्चार्ज रामशरण थापालाई राखिएको स्वास्थ्य चौकीले जनाएको छ ।

स्थानिय स्वास्थ्य संस्था संचालन तथा व्यवस्थापन निर्देशिका अनुसार समितिको संरक्षकमा गाउँपालिकाका अध्यक्ष मोहन विक्रम सिह रहने गरी स्वास्थ्य संस्था रहेको सम्बन्धीत वडाको वडा अध्यक्ष समितिको अध्यक्ष रहने व्यवस्था अनुसार नयाँ स्वास्थ्य व्यवस्थापन समिति गठन गरिएको सोही गाउँपालिकाका निमित्त प्रमुख प्रशासकिय अधिकृत मेघनाथ शाहीले बताएका छन् ।

समितिको उपाध्यक्षमा, अध्यक्षले मनोनित गरेको व्यक्ति रहने व्यवस्था निर्देशिकाले गरे बमोजिम स्वास्थ्य समिति गठन गरिएको स्वास्थ्य इन्चार्ज थापाले बताएका छन् ।