हुम्ला जिल्ला सिमकोट गाउँपालिकाले सामाजिक सुरक्षा तथा व्यक्तीगत घटना दर्ता वडाबाटै गर्ने भएको छ । ४ दिन सम्म स्थाइ पन्जीका अधिकारीलाइ सिमकोट गाउँपालिकाले तालिम दिए पछि अव सिमकोट गाउँपालिकाका ८ वटै वडाबाटै घटना दर्ता हुने भएका छन् । यस अघि सिमकोट गाउँपालिकाले आफ्नै कार्यालयबाट गर्दै आयको सामाजिक सुरक्षा तर्फ जेष्ठ नागरिक, बालबालिका सख्या, विद्युवा महिला, अपाङ, वसाइ सराइ लगाएतका घटनाको लगत संकलन अव गाउँपालिकाको वडा कार्यालयबाटै हुने भएको छ ।

सिमकोट गाउँपालिकामा स्थाइ कर्मचारीको पद पुर्ती भए पछि वडामै स्थाइ पन्जीका अधिकारी खठाए पछि वडाबाटै सो कार्य हुने भएको हो । वडाबाटै उक्त कार्यका लागी सिमकोट गाउँपालिकाका प्रतेक वडामा भरचुवल प्रसनल नेटवर्क जडान गरी सोही माध्यमबाट व्यक्तीगत घटना सँगै सामाजिक सुरक्षाका घटनाहरु दर्ता हुने भएका छन् ।

यसले गर्दा समयको वचत सँगै स्थानियवासीको दुःख हैरानी समेत कम हुने आफ्नो गाउँ घरमै सेवा लिन स्थानियवासीलाई सहज हुने सिमकोट गाउँपालिकाका अध्यक्ष विजय भण्डारीले बताएका छन् । सिमकोट गाउँपालिकाबाट प्रवाह हुने सेवा जनतामुखी बनाइ सेवालाई चुस्त दुरुस्त बनाउनकै लागी पनि यो सेवालाई वडाबाटै प्रवाह गर्ने पहिलो पटक जमर्को गरेको अध्यक्ष भण्डारीले बताएका छन् ।

उक्त कार्य सिमकोट गाउँपालिकाले जिल्लामै पहिलो पटक गर्न लागेको हो । जसका लागी कर्मचारी खटि सकेका छन् ।