featured photo: Mansarowar Times

आर्थिकरुपमा विपन्न घरपरिवारलाई खाध्यन्न सहयोग गरिएको छ । उक्त सहयोग कर्णाली प्रदेशका १० जिल्ला मध्य हुम्ला जिल्लाको सदरमुकाम समेत रहेको सिमकोट गाउँपालिका वडा नं ३ का दलित घर परिवारलाई गरिएको हो । नयाँ अन्न उत्पादन भइ नसकेको र पुरानो जगेडा गरेको अन्न सकि विहान वेलुका छाक टार्न समेत धौ धौ भएका वेला ३३ दलित घर परिवारलाई खाध्यन्न सहयोग गरिएको सोही वडाका वडा अध्यक्ष पामा लामाले बताएका छन् ।

सोही वडाको प्राविधिक सहयोग र लियो चहुन वाङ फरम ताइवान नामक संस्थाको आर्थिक सहयोगमा प्रति घर परिवार एक एक कट्टाको दरले चामल सहयोग गरेको जानकारी प्राप्त भएको छ । स्थानिय वासी टसि तान्वा लामाको पहलमा उक्त खाध्यन्न सहयोग गरीएकाले निजलाई सोही वडाले धन्यवाद समेत ज्ञापन गरेको छ । नयाँ उत्पादन नभइ सकेको र पुरान भण्डारण गरेको अन्न सकिएका वेला यो चामल सहयोग पाएको ३३ दलि घरपरिवारले खुसी वक्यत गर्नुका साथै सहयोग गर्ने व्यक्ती वडापालिकालाइ समेत धन्यवाद दिएका छन् ।