featured photo: Mansarowar Times

वेरोजगारीलाई सिप सिकाइ रोजगारी वनाउने हेतुले वारिङ तालिमको उत्घाटन गरिएको छ । उक्त उत्घाटन खार्पुनाथ गाउँपालिका वडा नं ५ ताक्लामा गरिएको हो । ७ दिन सम्म संचालन हुने तालिममा २० जना ताक्ला र बाँम्टाका युवाहरुको सहभागिता रहने सन्तोष जेठाराले बताएका छन् । स्थानिय स्तरमा सिप सिकाइ सोही ठाउँमै रोजगारी बनाइ आर्थिक उपार्जन गरी गरीवी न्युनिकरण गर्ने उद्देश्यका साथ वारिङ तालिम संचालन गरिएको सोही वडाका वडा अध्यक्ष भरतजंग शाहीले बताएका छन् ।

गाउँ गाउँमा विजुली पुगेपछि वारिङ गर्ने जनसक्ती वाहिरबाट ल्याउनु पर्दा मङगो मुल्य तिर्नु परेकाले यो वारिङ तालिम दिइ गाउँ मै सिपयुक्त जनशक्ती उत्पादन गर्नु रहेको अध्यक्ष शाहीले बताउका छन् । नेपाल उद्योग बाँणिज्य तथा आपुर्ती मन्त्रालयको आर्थिक सहयोग र हुम्ला जिल्ला खार्पुनाथ गाउँपालिकाको आयोजनामा संचालित गरिवी निवारणका लागी लघु उद्यम विकास कार्यक्रम मेड्पा अन्तरगत सिप विकास तालिम संचालन गरिएको हो ।

तालिमको सोही वडाका वडा अध्यक्ष भरतजंग शाहीले सुक्रबार एक कार्यक्रमका बीच उत्घाटन गरेको जेठाराले बताएका छन् । खार्पुनाथको आर्थिक वर्ष ७९।८० को वार्षिक कार्यक्रम अन्तरगत सो तालिम संचालन भएको हो ।