०३ चैत्र २०८२, मंगलबार
राज शाही मंगलबार, चैत्र १४, २०७९ मा प्रकाशित
जिल्ला अस्पताल हुम्लाका १३ जना विरामीहरुलाई रियल जुस वितरण गरिएको छ । एकिकृत सरकारी कर्मचारी संगठन स्थापना दिवसको अवसर पारी उक्त जुस वितरण गरिएको हो । १ वर्षको स्थापना दिवसको अवसरमा नेकपा एकिकृत समाजवादी पार्टीको भातृ संगठन एकिकृत सरकारी कर्मचारी संगठन जिल्ला कार्यसमिति हुम्लाले मंगलबार जुस वितरण गरेको हो ।
जुस वितरण कार्यक्रममा नेकपा एकिकृत समाजवादीका जिल्ला अध्यक्ष शिवराज सर्मा, पार्टी सचिव कमल छत्याल, एकिकृत सरकारी कर्मचारी संगठनका केन्द्रिय उपाध्यक्ष लोक राज न्यौपाने, सचिव मिमसिह नेपाली र कोषाध्यक्ष पुरीचन्द गोतामे लगाएतका नेता तथा कार्यकर्ताहरुको उपस्थित रहेको थियो ।
हुम्ला जिल्लामा गठन भएको एकिकृत सरकारी कर्मचारी संगठनका केन्द्रिय उपाध्यक्ष लोकराज न्यौपाने, सचिव मिमसिह नेपाली र कोषाध्यक्ष पुरीचन्द गोतामेलाई नेकपा एकिकृत समाजवादीका जिल्ला अध्यक्ष एव जिल्ला समन्वय समितिका प्रमुख शिवराज सर्मा, पार्टी सचिव कमल छत्यालले स्वागत तथा सम्मान गरेका थिए ।
जिल्लाको शान्ति सुरक्षा कायम राख्न पत्रकार र प्रहरी प्रमुख बीच भेटबार्ता
नेत्र ज्योती संघ हुम्लाद्धारा पुर्व मुख्य मन्त्री जीवनबहादुर शाहीलाई सम्मान
चालु आर्थिक वर्षको ७ महिनामा १ लाख ६८ हजार राजश्व असुली
