१७ रोपनी जग्गा क्याम्पसको नाउमा सहसुल्कमा उपलब्ध गराइएको छ । हुम्ला जिल्लाको मध्य क्षेत्रमा रहेको हिमज्योती बहुमुखी क्याम्पसलाई सहसुल्कमा प्राप्त भएको सोही क्याम्पस प्रमुख नेत्रलाल हमालले बताएका छन् । सर्केगाड गाउँपालिका वडा नं ४ निवासी सिधन वुढाले उक्त क्याम्पसका नाउँमा १७ रोपनी बराबरको जग्गा सहसुल्कमा उपलब्ध गराएको प्रमुख हमालले बताएका छन् ।

बुढाका नाउँमा रहेको सर्केगाड गाउँपालिका वडा नं ४ को जग्गा सोमबार हिमज्योती बहुमुखी क्याम्पसको नाममा रजिष्ट्रेसन गरेको बताएका छन् । यस अघि हिमज्योती माध्यामिक विद्यालयको एक कुनामा क्याम्पसको नाममा जग्गा खरिद गरी २ कोठामा क्याम्पस संचालन गरिदै आएकोमा अव उक्त जग्गा प्राप्त भए संगै उक्त जग्गामा क्याम्सका सुविधा सम्पन्न भौतिक संरचना निर्माण हुनुका साथै अपाङ्ग, लैंङगीक मैत्री सौचालय निर्माण हुने क्याम्पस प्रमुख हमालले यसरी बताएका छन् ।

२ सय ५० भन्दा वढी विद्यार्थी रहेको उक्त क्याम्पसमा हाल मानविकी लगायतका संकायमा पठन पाठन हुने गरेको छ । हिमज्योती बहुमुखी क्याम्पस हुम्ला जिल्ला निर्वाचन क्षेत्र क को सर्केगाड गाउँपालिका वडा नं ४ मा पर्दछ । उक्त क्याम्पसमा विशेष गरी हुम्ला जिल्लाका चंखेली सर्केगाड गाउपालिकाका विद्यार्थी वढी अध्यन्नरत रहेका छन् । सर्केगाड गाउँपालिका वडा नं ४ का सिधन वुढाले पास गरेको जग्गाको कित्ता नं २५१ क्षेत्रफल ८९८० रहेको छ ।