featured photo: Mansarowar Times

२ जना निम्न आयश्रोत भएका विद्यार्थीलाई विद्यालय पोषाख वितरण गरिएको छ । हुम्ला जिल्लाको खार्पुनाथ गाउँपालिका वडा न ५ का वडा अध्यक्ष भरतजंग शाहीको पहलमा मान्धारा आधारभुत विद्यालय खर्पेलगाउँ र मान्धारा माध्यामिक विद्यालय भकुन्टाका १।१ जना विद्यार्थीलाइ उक्त पोषाख वितरण गरिएको हो ।
विद्यालय पोषाख पाउने विद्यार्थीहरुमा मान्धारा आधारभुत विद्यालयका विद्यार्थी पवन शाही रहेका छन् भने मान्धारा माध्यामिक विद्यालयका नवराज नेपाली रहेका छन् । पवन शाही कक्षा ५ मा अध्यनरत छन् भने नवराज नेपाली कक्षा ७ मा अध्यनरत रहेका छन् । दुवै जना विद्यार्थीलाई २ थान टोपी, २ थान झोला, २ थान ट्याक्सुट, २ थान स्वीटर र २ थान जुता उपलब्ध गराइएको सोही वडाका वडा अध्यक्ष शाहीले बताएका छन् ।

अध्यक्ष शाहीका अनुसार सामाजिक विकास कार्यालयको वार्षिक कार्यक्रम अन्तरगत खार्पुनाथ गाउँपालिकका प्रत्येक वडाका २।२ जना बालबालिकालाई उक्त पोषाख हस्तान्त्रण गर्ने कार्यक्रम भए अनुसार सोही गाउँपालिकका १० जना विद्यार्थीलाई उक्त सामाग्री वितरण गरिएको बताएका छन् । वितरण सुक्रबार एक कार्यक्रमको आयोजना गरि वितरण गरिएको हो ।