हुम्ला

गैर सरकारी संस्थाले निर्माण गरेका योजनाहरुको अनुगमन गरिएको छ । अनुगमन खार्पुनाथ गाउँ पालिका वडा नं ५ मा ग्रामिण जलश्रोत परियोजनाको आर्थिक सहयोग र स्नोल्याण्ड एकिकृत विकास केन्द्रको प्राविधिक सहयोगमा संचालन भइ सम्पन्न भएका खानेपानी तथा सरसफाइका योजनाहरुको विहिबार अनुगमन गरिएको हो ।

खार्पुनाथ गाउँ पालिका अध्यक्ष कर्णबहादुर रावल, उपध्यक्ष रुपा शाही, प्रमुख प्रमुख प्रशासकिय अधिकृत चन्द्रविर शाही, वडा अध्यक्ष भिमराज शाही र ग्रामिण जलश्रोत परियोजनाका जिल्ला सल्लाहकार विरेन्द्र थापाको नेतृत्वको टोलीले अनुगमन संगै सम्पन्न भएका योजनाहरुको उत्घाटन गरिएको जलश्रोत प्राविधिक नवराज शाहीले बताएका छन् ।

अनुगमन गरिएका योजनाहरुमा खार्पुनाथ गाउँ पालिका वडा नं ५ को ताक्लामा संचालन भएको खानेपानी तथा सरसफाइ योजना र नाइबाडा खर्पेलगाउँ खानेपानी योजना रहेका छन् । जसको आर्थिक सहयोग ग्रामिण जलश्रोतको र प्राविधिक सहयोग स्नोल्याण्ड एकिकृत विकास केन्द्र एस आइ डिसिको रहेको थियो ।

ताक्ला खानेपानी तथा सरसफाइको लागी ग्रामिण जलश्रोत तथा स्थानियवासीको श्रमदान गरी ४६ लाख र नाइवाडा खर्पेलगाउँ खानेपानीको लागी श्रमदान र नगद गरि ७७ लाखको लागतमा योजनाहरु संचालन गरि सम्पन्न भएको प्राविधिक शाहीले बताएका छन् ।

खानेपानी योजनाहरु संचालन भइ घर घरमा पानी पुग्दा आधा घण्टा देखि एक १ घण्टाको दुरीमा रहेको खोलाको दुसित पानी पिउनु पर्ने स्थानियवासीको समस्या समाधान भएको स्थानियवासी रुपा शाहीले बताएकी छन् । शाहीका अनुसार उक्त धाराहरु वालमत्री, लैङगी मैत्री भएको र महिला पुरुष सवैले सरसफाइ नुहाउन लुगा धुन पानी पिउन समेत सहज भएको बताएकी छन् ।