हिमाली जिल्ला हुम्लामा नै गर्भवती महिलाको अल्ट्रासाउन्ड हुन थालेको छ । जिल्ला स्वास्थ्य सेवा कार्यालयका कर्मचारी सँगै सम्बन्धित गाउँपालिकाका नर्सिङ स्टापको सहयोगमा स्वास्थ्य चौकी स्वास्थ्य इकाइहरुमा गर्भवती महिलाको अल्ट्रासाउन्ड हुन थालेको हो । यस अघि जिल्ला अस्पतालमा हुँदै आएको अल्ट्रासाउण्ड अहिले सम्बन्धी वस्तीबाटै सो सेवा प्रभाह हुन थाले पछि गर्भवती महिला खुसी भएका हुन ।

यसै बीच सिमकोट गाउँपालिकाका वडा नं ७ चौगान फया सामुदायीक स्वास्थ्य इकाइबाट आज सोमबार उक्त सेवा प्रर्दान गरिएको हो । सो सेवा प्रर्दानका लागी जिल्ला स्वास्थ्य सेवा कार्यालयकी वरिष्ट अनमी सरिता बोहरा सहित सिमकोट गाउँपालिका नर्सिङ स्टाप मनमाया वलीको सहभागिता रहेको छ ।

सोमबार सिमकोट गाउँपालिका वडा नं ७ चौगानफया सामुदायीक स्वास्थ्य इकाइबाट अल्ट्रासाउन्ड गर्दा २१ जना गर्भवती महिलाले अल्ट्रासाउन्डबाट गर्भ चेकजाँच गराएको सिमकोट गाउँपालिका स्वास्थ्य शाखा नर्सिङ स्टाप वसन्ती रावतले बताएकी छन । त्यसै गरी आज सोमबार अल्ट्रासाउण्डबाट गर्भवतीको गरिएको चेक जाँचमा ४ जना गर्भवती महिलामा जटिल समस्या देखिएको रावतले बताएकी छन् ।२ जना गर्भवती महिलाको वच्चा अगाडी साल देखिएको १ जना गर्भवती महिलामा बच्चा उल्टो देखिएको र १ जना गर्भवती महिलाको पेटमा वच्चा तेश्रो अल्ट्रासाउण्ड गर्दा देखिएको वताउदै सिमकोट स्वास्थ्य शाखा नर्सिङ स्टाप वसन्ती रावतले बताइन

त्यस्ता जटिल केस भएका गर्भवती महिलाहरुले नियमित भिडियो एक्सरे गर्ने, नियमित गर्भ चेकजाँच गराउने सुझाव स्वास्थ्य कर्मीले दिएको जानकारी प्राप्त भएको छ । त्यसै गरी भोली मंगलबार सिमकोट गाउँपालिका वडा नं ८ को स्याँडा स्वास्थ्य चौकीमा ग्रामिण अल्ट्रासाउण्ड कार्यक्रम संचालन गरिने स्वास्थ्यकर्मी रावतले वताएकी छन् ।