२२ मंसिर २०८२, आइतबार
राज शाही शुक्रबार, माघ २७, २०७९ मा प्रकाशित
हुम्ला जिल्ला खार्पुनाथ स्वास्थ्य शाखाले फागुन १० गते पछि स्वास्थ्य सँग सम्बन्धित कल फराइडे लागु गर्ने भएको छ । सेवा ग्राही र नागरिकलाई स्वास्थ्य सम्बन्धित सेवाको जानकारी र सेवा लिन सुचित गराउने माध्यमको रुपमा कल फराइडेलाई अगाडी बढाइने भएको सोही स्वास्थ्य शाखा प्रमुख वलिराज शाहीले बताएका छन् । कल फराइडे लागु गर्नका लागी सो गाउँ पालिकाले ४५ वटा मोवाइल सेट र सिमको वन्दो वस्त समेत गरि सकेको प्रमुख शाहीले बताएका छन् । कल फराइडे लागु भए पछि उक्त गाउँपालिकाका सेवा ग्राहीले घरमै बसी आफ्नो स्वास्थ्यका बारेमा जानकारी लिन सक्ने उद्देश्य राखिएको सोही गाउँपालिकाका प्रमुख प्रशासकिय अधिकृत विष्णुबहादुर शाहीले बताएका छन् ।
जसको तयारीका लागी हाल खार्पुनाथ गाउँपालिका स्वास्थ्य शाखाले गाउँपालिकाका नागरीकको घर दैलोमा पुगी स्वास्थ्य सम्बन्धि विवरण लिने काम सँगै स्वास्थ्य सेवा विरामीको घरमै पुगी स्वास्थ्य सेवा दिने कार्य गरी रहेको छ । यसै विच विहिवार खार्पुनाथ गाउँपालिका वडा नं १ को लागी लाली स्वास्थ्य चौकीलाई परिचालन गरी उक्त चौकीका स्वास्थ्यकर्मी चिसामुल गाउँमा पुगी स्वास्थ्य सेवा प्रवाह गरेको जानकारी प्राप्त भएको छ ।
स्वास्थ्यकर्मी नागरिकको घरमै पुगी स्वास्थ्य सेवा दिनुका साथै खोपसेवा लिने बालबालिका कोरोना खोप पायका र पाउन छुटेका नागरिक गर्भवति महिला दिर्घ रोगि मानिस र हाल पालिकामा बसोबास गर्ने नागरिक र पालिका बाहिर बसोबास गर्ने नागरिकको लगत लिने कार्य हुँदै आएको सोही गाउँपालिका अध्यक्ष कर्णबहादुर रावलले बताएका छन् ।
कर्णाली प्रदेश निर्वाचन क्षेत्र नं ख को खार्पुनाथ गाउँपालिकाले आफ्नो गाउँपालिका भित्रका जनतालाई के कसरी सेवा दिन सकिन्छ भन्ने तर्फ हरेक क्षेत्रमा सजक देखिएको छ । जनताको सेवा सहज सहुलियत ढंगले संचालनका लागी प्रचार प्रसारका कार्यक्रम सँगै घरदैलोमै पुगी सेवा दिन थालेको छ । पशु, कृषि, स्वास्थ्य र शिक्षा शाखाले घर घर मै पुगी आफ्नो शाखाबाट हुने सेवाहरु दिन थालेका छन् ।
गाउँपालिका पशु शाखाले घर घर मै पुगी पशुहरुलाई वाहिय जिवाणुबाट बचाउनका लागी खुरेत, जिव्रेत, रेविज लगाएतका खोपहरु लगाउदै आएको छ । कृषि शाखाले कृषकहरुको घर दैलोमा पुगी वालीमा लाग्ने विभिन्न रोगको उपचार गर्नुका साथै मौसमी तथा वेमौसी तरकारीका विउ, विजन, पाल वितरण गर्दै आएको छ । शिक्षा शाखाले गाउँपालिका भित्रका जनतालाई साक्षरता बनाउनका लागी घरमा पुगी साक्षर कक्षा दिने देखि बालबालिकालाई विद्यालयमा भर्नाका लागी घरमा पुगी अविभावकलाई जनचेतनामुल कार्यक्रम संचालन गर्दै आएको छ ।
जिल्ला स्वास्थ्य सेवा कार्यालय हुम्लाले इन्फ्लुएन्जा (फ्लु) बाट बच्न आग्रह
घरपालुवा पशुलाइ जंगली जनावर भालुले क्षेती पुर्याय क्षेतीपुर्ती पाउने
२२ औं महिला स्वास्थ्य स्वयंसेविका दिवस विभिन्न कार्यक्रम गरि मनाइयो
