featured photo: Mansarowar Times

हिमाली जिल्ला हुम्लाका पशुवस्तुहरुलाई बाहिय प्रजिवीबाट वचाउनका लागी खोप लगाइएको छ । खोप कर्णाली प्रदेश हुम्ला जिल्ला प्रदेश निर्वाचन क्षेत्र ख को सिमकोट गाउँपालिका वडा नं ५ मा लगाइएको हो । सिमकोट गाउँपालिका पशु शाखाको आर्थिक सहयोग संगै प्राविधिक सहयोगमा उक्त खोप लगाइएको सोही शाखाका पशु ना प्र स विष्णु वुमीले बताएका छन् ।

सिमकोट गाउँपालिका वडा नं ५ का बाँसु रावतका खसी सिमकोट गाउँपालिका वडा नं ४ मा पालन गरीएका २ सय वटा खसीलाई वाहिय प्रजिवी लुतो लगाएतका रोगबाट वचाउनका लागी सो खोप लगाइएको हो । सिमकोट गाउँपालिका पशु शाखा प्रमुख महेन्द्रबहादुर शाहीको नेतृत्वमा सम्बन्धित स्थलमा पुगी २ सय वटा खसीलाई खोप लगाइएको र अन्य गाउँमा रहेका भेडा बाख्रा संगै अन्य घरपालुवा पशु वस्तुको प्ररिक्षण गरिएको प्रमुख शाहीले बताएका छन् ।

केहि दिन देखिको हिमापातले हुम्ला जिल्लामा एक वडाबाट अर्को वडा सम्म जान कठिन भएको र यो अवस्था सहज भएमा सोही गाउँपालिका वडा नं २,३ र ४ मा उक्त खोप लगाइने ना प्र स विष्णु वुमीले यसरी वताएका छन्। सोही अनुसार भोली आइतवार सिमकोट गाउँपालिका वडा नं ५ मा रहेका गधा घोडा खच्चरलाई सोही खोप लगाउने योजना राखिएको वुमीले बताएका छन् ।