featured photo: Mansarowar Times

सुक्रबार विहान ४ वजेबाट हिमपात भए पछि जिल्लामा विद्युत र दाउराको खपत वढी भएको छ । हिमाली जिल्ला हुम्लाको सदरमुकाम सिमकोटमा अधिक्तम तापक्रम १ र न्युनतम तापक्रम माइनस ९ डिग्री सेल्सियसमा झरेपछि हिटर तथा दाउराको माग वढ्न थालेको हो । हुम्ला जिल्लाको सदरमुकाम सिमकोटमा स्थापित कार्यालय र निजि घरमा समेत बत्तीबाट संचालन हुने हिटरहरु बढी प्रयोग हुन थाले पछि विद्युत वढी खपत भएको पाइएको हो ।

त्यसै गरी वत्ती नियमित नहुँदा जिल्ला सदरमुकाम सिमकोटमा दाउराको माग वढेको छ । वत्ती नियमित नहुदा जिल्लाका सरकारी तथा गैर सरकारी कार्यालयहरुमा कार्यरत कर्मचारीहरु आगोबाली सेवाग्राहीलाई सेवा प्रवाह गर्न थालेका छन् । आगोको राप नलिइ सेवाग्राहीलाई सेवा प्रवाह गर्न कर्मचारीलाई सास्ती भएको हुम्ला जिल्ला अदालतका कर्मचारी रजनी रावतले बताएकी छन ।

हुम्ला जिल्लाका सरकारी कार्यालयहरुले यस अघि हिउदे मौसममा जाडो बढी हुने भएकाले करिव ५ हजार देखि विस हजार सम्मको दाउरा खरिद गरी स्टोर समेत गरेको र सोही दाउरा यो हिमपातमा प्रयोग गर्ने गरिएको छ । हुम्ला जिल्लामा दाउराको मुल्य पनि महँगो पर्ने गरेको छ । प्रति भारी दाउराको १ हजार देखि १ हजार ५ सय सम्म पर्ने गरेको छ ।