बुधबार राती १२ वजेबाट विद्युत अवरुद्ध हुँदा करिव २ सय ७० घरधुरीमा अन्धकार छाएको छ । हिमाली जिल्ला हुम्लामा वल्ल तल्ल विद्युतको पहुँजमा गएको भए पनि कहिले पानीको अभाव, कहिले बाढिपहिरो, कहिले विद्युतका लागी प्रयोग गरिएका मेसिनहरुमा खरावी आउदा विद्युत अवरुद्ध हँदै आएको छ । यसै बीच सिमकोट गाउँपालिका वडा नं ८ स्याँडा गाउँका लागी उत्पादन गरिएको विद्युतको पावरहाउसमा राखिएको टरमाइनमा खरावी आएपछि विद्युत अवरुद्ध भएको हो ।

गारघट्ट खोलामा करिव ७ वर्ष अघि पावरहाउस निर्माण गरि जलविद्युत उत्पादन भएको विद्युतले सिमकोट गाउँपालिका वडा नं ८ स्याँडा गाउँका करिव २ सय ७० घरधुरीलाई उज्यालो दिदै आएको थियो । वुधबार राती एकासी टरमाइनमा खरावी आउदा विद्युत अवरुद्ध भएको सोही वडाका वडा अध्यक्ष कमल वुढाले बताएका छन् ।

विग्रेको विद्युतको मर्मत संम्भारका लागी गाउँपालिका कर्णाली प्रदेश र संघिय सरकारमा पहल गरि रहेको अध्यक्ष वुढाले बताएका छन् । उक्त विद्युतले अन्य इलेक्टोनिसका सामाग्री प्रयोग गर्न पावरले नभ्याय पनि विद्युत बाल्नको लागी प्राप्त मात्रामा भोटेज रहेको थियो । उक्त विद्युत विग्रदा त्यहाँका स्थानियवासी अन्धकारमा वस्न वाध्य भएको स्याँडा गाउँकी स्थानियवासी कविता परियारले बताएकी छन् ।

बुधबार राती १२ वजेबाट विद्युत विग्रदा दियालो बालेर उज्यालो गर्नु पर्ने वाध्य रहेको र करिव २सय ७० घरधुरीले दियालो बाल्नु पर्दा वनजंगल नास हुन सक्ने परियारले बताएकी छन् । यो समस्या सरोकारवाला निकायले समयमै समाधान गर्नु पर्ने अर्का स्थानियवासी तिलक वुढाले बताएका छन् ।