featured photo: Mansarowar Times

नेपालमा तिन तहको सरकार वने सँगै स्थानिय सरकारले आ आफ्नै किसिमका कार्ययोजना भनाइ काम गर्दै आइ रहेका छन् । आफ्नो गाउँपालिका भित्रका नागरीकलाई के कसरी सेवा प्रवाह गर्दा सेवाग्राहीले सेवा लिन सहज हुन्छ भन्ने तर्फ कर्मचारी जनप्रतिनिधि लागेको पाइएको छ ।
यस्तै स्थानिय सरकार अन्तरगतको हो हुम्ला जिल्लाको खार्पुनाथ गाउँपालिका जुन हुम्लाका ७ वटा गाउँपालिका मध्य भौतिक संरचना देखि लिएर शिक्षा, स्वास्थ्य, कृषि लगाएत क्षेत्रमा उदारणीय काम गर्दै आएको छ । केही दिन अघि मात्रै उक्त गाउँपालिकाले पुर्ण खोप सुनिस्चित गाउँपालिका घोषणा गरेको छ । त्यसै गरी सोही गाउँपालिकाले महिनाको दुई पटक गाउँपालिका भरिका प्रत्येक विद्यालयमा पुगेर विद्यार्थिको स्वास्थ्य चेक जाँच सँगै स्वास्थ्य सम्बन्धीको कक्षा संचालन गर्दै आएको छन । उक्त गाउँपालिकाले जेष्ठ नागरीक, अपाङ असक्तहरुलाई घरमै पुगी उपचार गर्ने गरेको छ । गर्वतीलाई पौष्टिक आहारा समेत वितरण गर्दै आएको छ ।
यसै विच उक्त गाउँपालिकाले शनिवारका दिनमा पनि स्वास्थ्य संस्था खोली सेवाग्राहीलाई सेवा प्रवाह समेत गर्ने गरेको सोही गाउँपालिका स्वास्थ्य शाखा प्रमुख वलिराज शाहीले बताएका छन् । शनिवार स्वास्थ्य संस्था खोली सेवाग्राहीलाई सेवा दिने कार्य अव निरन्तर गरिने बताएका छन् ।