featured photo: Mansarowar Times

निर्वाचन आयोगले प्रतिनिधिसभा तथा प्रदेशसभा सदस्य निर्वाचन अन्तर्गत पहिलो हुने निर्वाचन प्रणाली अन्तर्गत आज बिहान १० बजेदेखि दिउँसो ३ बजेसम्म उम्मेदवारको विरोधमा उजुरी दिने कार्यतालिका प्रकासित गरेको थियो ।

तर हुम्ला जिल्लामा निर्वाचन आयोगले तोकिएको उम्मेदवारको विरोधमा कोही कसैको उजुरी नपरेको हुम्ला जिल्लाका मुख्य निर्वाचन अधिकृत दिलप्रसाद सापकोटाले बताएका छन् ।
आयोगले मनोनयपत्र र उजुरीउपर जाँचबुझ गरी असोज २४ र २५ गते दिउँसो ३ बजेदेखि ५ बजेसम्म निर्णय गर्ने निर्वाचन कार्यतालिका रहेको छ ।

असोज २५ गते मुख्य निर्वाचन अधिकृतको कार्यालय हुम्लाले उम्मेदवारहरूको नामावली प्रकाशन गर्ने तयारी गरेको छ भने असोज २६ गते उम्मेदवारको नाम फिर्ताका लागि समय तोकेको छ ।

यस्तै, असोज २६ गते दिउँसो १ बजेदेखि ३ बजेसम्म अन्तिम नामावली प्रकाश गर्ने र सोही दिन उम्मेदवारहरूलाई निर्वाचनको चिह्न प्रदान गर्ने कार्यक्रम रहेको छ ।