१८ माघ २०८२, शनिबार
राज शाही आइतबार, आश्विन ०९, २०७९ मा प्रकाशित
स्वास्थ्य सेवालाई प्रभावकारी वनाउनका लागी मोबाइल वितरण गरिने भएको छ । हुम्ला जिल्ला खार्पुनाथ गाउँपालिका स्वास्थ्य शाखाको आर्थिक सहयोगमा सो मोबाइल वितरण गर्न लागिएको खार्पुनाथ गाउँपालिका वडा नं ४ छिप्रा स्वास्थ्य चौकीका अहेब कालीबहादुर शाहीले बताएका छन् ।
उक्त मोबाइल साविकको छिप्रा गाउँ विकास समिति वडा नं १ देखि ९ र हाल खार्पुनाथ गाउँपालिका वडा नं ४ का ९ जना महिला स्वास्थ्य स्वयम सेवीका र १ वटा स्वास्थ्य चौकी इन्चार्जलाई वितरण गर्न लागीएको अहेव शाहीले बताएका छन् । शाहीका अनुसार विरामीको नजिकको सरकार भनेकै महिला स्वास्थ्य स्वयम सेवीका भएकाले उनीहरु वडा–वडामा खटिएका महिला स्वास्थ्य स्वयंसेविकाले गर्भजाँच गर्ने र उचित स्थानमा गर्भ जाँच गर्न र नचाहेको गर्भपतन गर्नको लागि समेत सिफारिस गर्ने काम गरिरहेका छन्।
त्यसै गरी‘किट परीक्षण गरेर नचाहेको गर्भ छ भने सुरक्षित गर्भपतन सेवा दिने ठाउँमा पठाउँछन्। चाहेको गर्भ छ भने सुरक्षित मातृत्वको लागि परामर्श दिने काम गरि रहेकाले महिला स्वयम सेविकाको सो कार्यलाई प्रभाव कारी वनाउनका लागी मोबाइल सेट वितरण गर्न लागीएको खार्पुनाथ गाउँपालिका स्वास्थ्य शाखा प्रमुख वलिराज शाहीले बताएका छन् । जसका लागी खार्पुनाथ स्वास्थ्य चौकीका अहेव कालीबहादुर शाहीले मोबाइलका लागी प्रयोग हुने सिम स्वास्थ्य चौकीको सिफारिसमा नेपाल टेलिकमबाट निकालेर लिएका छन् । यसले गर्दा खार्पुनाथ गाउँपालिका वडा नं ४ को स्वास्थ्य चौकीबाट सेवा प्रभाह गर्न सहज हुने अहेव शाहीले बताएका छन् ।
हुम्ली बासीका नाउँमा प्रतिवद्धता पत्र सार्वजनिक
मुख्य निर्वाचन अधिकृत निलकण्ठ बरालको नेतृत्वमा मतदान केन्द्रको निरीक्षण
अनुमति लिएर राखिएका हातहतियार बुझाउन अपिल
