५ सय भन्दा वढी विरुवा रोप्ने (लगाउने) कृषकलाई अनुदान दिइने भएको छ । हिमाली जिल्ला हुम्लाका ७ वटै गाउँपालिकाका कृषकलाई सो अनुदान दिइने भएको हो । जिल्ला कृषि विकास कार्यालय हुम्लाका सुचना अधिकारी एव बालि संरक्षण अधिकृत धर्मेन्द्र अधिकारीका अनुसार गत आर्थिक वर्षमा जिल्लामा फलफुलमा आत्म निर्भर बनाउनका लागी जिल्लाका कृषकलाई एक खाल्डो खनेको १ सय र १ वोटको १ सय रुपैंया अनुदान दिने भनीए पनि वजेट जम्मा ४५ लाख मात्रै आएकाले कृषकहरुलाई एक वोटको ७५ र खाल्डो खनेको १ सय रुपैंया उपलब्ध गराएको अधिकारीले बताएका छन् ।

सोही अनुसार सिमकोट र नाम्खा गाउँपालिकाका कृषकलाई बेमौसमी तरकारी उत्पादनका लागी पलाष्टिकका टनेल निर्माण गर्ने कृषकलाई जिल्ला कृषि कार्यालयबाट प्राविधिक खटि प्राविधिक मुल्याङकन गरी सोही अनुसार बजेट उपलब्ध गराइने अधिकारीले बताएका छन् । अन्य कार्यक्रमका लागी कार्यविधि नआएकाले संचालन गर्न नसकिएको जानकारी प्राप्त भएको छ ।

कार्यविधि नआउदा नयाँ आर्थिक वर्ष सुरु भएको २ महिना विति सक्दा पनि अन्य कार्यक्रम संचालन गर्न नसकिएको हो । कार्यविधि समयमै आएको खण्डमा समयमै कार्य सम्पन्न हुने भए पनि कार्यविधि नआउदा योजना कार्यन्वयनमा ढिलाई हुनुका साथै वजेट समेत फ्रिज जाने गरेको अधिकारीले बताएका छन् ।