बालबालिकाको हक हितका लागी सदा झै यो वर्ष पनि वाल दिवस मनाइएको छ । प्रत्येक वर्ष भाद्र २९ गते मनाइने बाल दिवश यो वर्ष पनि जिल्लाका ७ वटै गाउँ पालिकामा स्थपित विद्यालयहरुमा साना ठुला जे जस्तो आफ्ना विद्यालयले तयार गरेका कार्यक्रम संचालन गरि बाल दिवस मनाइएको छन ।

यसै अवसरमा जिल्लाका ७ वटा गाउँ पालिकाका अध्यक्ष उपाध्यक्षहरुले विद्यार्थीहरुलाई प्रोत्साहित गर्नका लागी विभिन्न शैक्षिक सामाग्री संगै न्यानो कपडा समेत वितरण गरेका छन । यसै विच मानसरोवर नमुना माध्यामिक बिधालय सिमकोट अन्तर्गत संचालनमा रहेको हिमालि आवासिय छात्रवासका विद्यार्थीलाई कम्मल वितरण गरिएको छ । उक्त छात्राबासमा ५० जना छात्र छात्राका लागी २५ थान कम्मल उपलब्ध गराइएको हो । सो कम्मल सिमकोट गाउँपालिकाको आर्थिक सहयोगमा सोही गाउँपालिकाका अध्यक्ष विजय भण्डारी र उपाध्यक्षा सुशिला भाम रोकायाले संयुक्तरुपमा हस्तान्त्रण गरेका हुन । सो छात्राबासमा २५ जना छात्र र २५ जना छात्रा गरी ५० जना विद्यार्थी वस्दै आएका छन् ।

हुम्ला जिल्लाको मध्य क्षेत्र सर्केगाड गाउँपालिका वडा नं ७ कर्कीवाडामा स्थापना भएको सुर्य तारा आधारभुत विद्यालय रोडिकोटमा पनि ५८ औ बालदिवस भव्यरुपमा मनाइएको छ । उक्त विद्यालयका विद्यार्थी अविभावक शिक्षक मिली गाउँ घर संगै विद्यालय सरसफाइ गरिएको हाम्रा सर्केगाड सम्बाददाता ओम प्रसाद जैसीले बताएका छन् । ५८ औ बालदिवसको अवसरमा सो विद्यालयले सदनात्मक वक्तितोकला प्रतियोगिता संचालन गरेको थियो । सोही विद्यालय व्यवस्थापन समितिका अध्यक्ष ल्वारे विक अध्यक्षता र वडा अध्यक्ष वल कार्कीको प्रमुख आतिथ्यमा संचालन भएको वालअधिकार सम्बन्धीको वक्तित्वकलामा रेटहाउस सदन प्रथम, ग्रिन हाउस सदन द्धितिय र एलो हाउस तृतिय भएको संवाददाता जैसीले बताएका छन् । वक्तित्वकलाका लागी ४ वटा सदनले भाग लिएका थिए ।