२२ मंसिर २०८२, आइतबार
राज शाही मंगलबार, भाद्र २८, २०७९ मा प्रकाशित
जिल्लाका सात वटा गाउँपालिकाका स्वास्थ्य शाखा मध्य खार्पुनाथ उत्कृष्ट ठहरिएको छ । उक्त शाखा कार्य सम्पादन तथा मुल्याङ्कनका आधारमा सबै भन्दा बढी नम्बर ल्याएर उत्कृष्ट ठहरिएको हो । स्वास्थ्य सेवा कार्यालय हुम्लाका प्रमुख प्रेमबहादुर सिंहले कार्य सम्पादन तथा मुल्याङ्कनका आधारमा जिल्लामा राम्रो काम गर्नेमा खार्पुनाथ गाउँपालिकाको स्वास्थ्य शाखा पहिलो भएको बताएका छन् । कुल ९६ अङ्क ल्याएर खार्पुनाथ पहिलो भएको हो । गतवर्ष पनि उक्त गाउँपालिका पहिलो भएको थियो ।
त्यसैगरि दोस्रोमा सिमकोट गाउँपालिका र तेस्रोमा ताँजाकोट गाउँपालिका रहेको छ । चङ्खेली गाउँपालिका भने सातौं स्थानमा रहेको छ । उनले अब यो कार्य प्रत्येक वर्ष गर्ने बताएका छन । कार्यालयले बार्षिक समिक्षा कार्यक्रममा सो घोषणा गरेको हो ।
स्वास्थ्य क्षेत्रमा प्रदान गरिने सेवा सम्वन्धि आठ वटा सुचक बनाएर स्वास्थ्य शाखाको मुल्याङ्कन कार्यालयले गर्दै आएको छ । मुल्याङ्कनका लागि तय गरिएका सुचकहरुमा सेवा प्रवाह, अतिरिक्त कृयाक्लाप सञ्चालन, समस्या समाधान, समन्वय, प्रतिबेदन तयारी, न्यूनतम सेवा प्रदान, स्वास्थ्य संस्थाहरुको अनुमगन लगाएतका रहेका थिए । खार्पुनाथ गाउँपालिका पहिलो भएपछि स्वास्थ्य शाखाका संयोजक बलीराज शाहीले थप हौसला थपिनुुका साथै नयाँ शोचका साथ काम गर्ने उत्प्रेरणा मिलेको जनाएका छन् ।
उक्त गाउँपालिकाले स्वास्थ्य शाखाले गर्नु पर्ने कार्यका साथै अतिरिक्त कार्यहरु पनि गर्दै आएको छ । उत्कृष्ट ठहरिएको शाखाहरुलाई पुरस्कार तथा प्रशंसा पत्र प्रदान गर्दै प्रमुख जिल्ला अधिकारी सीता परियारले स्वास्थ्य क्षेत्र नै सम्बेदनशील भएको कारण छिटो, छरितो र सर्बशुलभ सेवा प्रदान गर्न स्वास्थ्यकर्मीलाई आग्रह गरिने ।
कार्यक्रममा सात वटै गाउँपालिका स्वास्थ्य शाखाका संयोजक र सरोकारवाला पक्षको सहभागीता रहेको थियो । समिक्षा कार्यक्रम दुई दिनसम्म सञ्चालन भएको थियो । सात वटै गाउँपालिकाले गत आर्थिक वर्षमा प्रदान गरिएका सेवाहरुको प्रस्तुती समेत गर्नु भएको थियो ।
जिल्ला स्वास्थ्य सेवा कार्यालय हुम्लाले इन्फ्लुएन्जा (फ्लु) बाट बच्न आग्रह
घरपालुवा पशुलाइ जंगली जनावर भालुले क्षेती पुर्याय क्षेतीपुर्ती पाउने
२२ औं महिला स्वास्थ्य स्वयंसेविका दिवस विभिन्न कार्यक्रम गरि मनाइयो
