हुम्ला जिल्लामा विकासले विस्तारै गति लिदै गएको छ । सिमकोट गाउँपालिकाले ८ वटा वडा मध्य ७ वटा वडामा याता यातको पहुच पुर्याएको छ भने जिल्लाको अदानचुली, ताँजाकोट, सर्केगाड र चंखेली गाउँपालिका राष्ट्रिय सडक संजाल सँग जोडिएका छन् । त्यसै गरी नाम्खा गाउँपालिका राष्ट्रिय सडक संजाल सँग नजोडिए पनि आफ्नो गाउँपालिका केन्द्र संगै अन्य वडामा सडक संजालको पहुँ पुर्याएको छ ।
खार्पुनाथ गाउँपालिका केन्द्र याँङचु वजारमा यस अघि नै आन्तरिक सडक सँजालसँग जोडिए पनि ५ वटा वडा रहेको उक्त गाउँपालिकामा पहिलो पटक सोही गाउँपालिकाको वडा नं ५ को खर्पेल गाउँमा गाडी पुगेको छ । पहिलो पटक उक्त गाउँमा गाडी पुगे संथै त्यहाँका स्थानियले गाडी ड्राइभर गाडीमा सवार प्यासेन्जरलाई फुलमाला अविर लगाइ भव्यरुपमा स्वागत गरेको स्थानियवासी लोकजंग शाहीले बताएका छन् ।
उक्त सवारी साधन सो गाउँमा पुगे सँगै विरामी यात्रुलाई आवत जावत गर्न सहज भएको छ । सो गाउँमा उत्पादन भएका तरकारी, फलफुल लगाएतका सामाग्री हुम्ला जिल्लाको सदरमुकाम सिमकोटमा ल्याउन सहज हुने सो वडाका वडा अध्यक्ष भरत जंग शाहीले बताएका छन् । यो सँगै आय आर्जनमा समेत वृद्धि हुने देखिएको छ ।