२२ मंसिर २०८२, आइतबार
राज शाही मंगलबार, भाद्र २१, २०७९ मा प्रकाशित
स्थानिय तहमा नयाँ जनप्रतिनिधि निर्वाचित भएसँगै आफुले गरेका काम कार्यको पारदर्शीतालाई पहिलो प्राथामिकतामा राख्न थालेका छन् । आफ्ना वडा पालिकामा संचालन भएका साना देखि ठुला योजनाहरुको लागत, कामदार संख्या, दिन, ज्याला रकम, विभिन्न माध्यम द्धारा सार्वजनिक गर्न थालेका छन् ।
यसै क्रममा अदानचुली गाउँपालिका हुम्लाले आफ्ना वडामा संचालन भएका योजनाहरुको सुरु मिति, सम्पन्न मिति, योजनाको लागत, श्रमिकको संख्या र योजनाको नाम समेत गाउँपालिकाको फेसबुकमा सार्वजनिक गरी पारदर्शितालाई पहिलो प्राथमिकतामा राख्नुका साथै योजनाको नाम समेत उल्लेख गरेको पाइन्छ ।
यसै बिच उक्त गाउँपालिकाले प्रधानमन्त्री रोजगार कार्यक्रमबाट आर्थिक वर्ष ७८।७९ मा संचालन भएका आयोजना मध्यको प्राविधिक मुल्याङकनमा विशिष्ठ आयोजना नाउला देखि रातीमाटा सम्म ग्रामीण सडक निर्माण आयोजना लमही अदानचुलीको लागत र श्रमिकको संख्या लागत सार्वजनिक गरेको हो । सार्वजनिक गरीएको श्रमिकको संख्या २५ जना दिन ५५ जसमध्य ५ दिन श्रमदान गरिएको उल्लेख गरेको छ ।
प्रधानमन्त्री रोजगार कार्यक्रम संघिय सरकार द्धारा प्राप्त अनुदानबाट संचालित आयोजनाको अध्यक्षमा करे टमटा रहेको अध्यक्षतामा उक्त आयोजना संचालन भएको जानकारी प्राप्त भएको छ । जसको लागत ७ लाख १३ हजार ३ सय ३० रुपैंया रहेको अदानचुली गाउँपालिकाका अध्यक्ष मोहन विक्रम सिंहले बताएका छन् । उक्त काम प्राविधिक मुल्यांकनमा विशिष्ट देखिएको अदानचुली रोजगार सेवा केन्द्रले जनाएकोछ ।
जिल्ला स्वास्थ्य सेवा कार्यालय हुम्लाले इन्फ्लुएन्जा (फ्लु) बाट बच्न आग्रह
घरपालुवा पशुलाइ जंगली जनावर भालुले क्षेती पुर्याय क्षेतीपुर्ती पाउने
२२ औं महिला स्वास्थ्य स्वयंसेविका दिवस विभिन्न कार्यक्रम गरि मनाइयो
