तीन दिनदेखि गृह जिल्लामै रहेका भएका कर्णाली प्रदेशका मुख्यमन्त्री जीवनबहादुर शाहीले कर्णाली करिडोर अन्र्तगतको हेक्पा खोलामा निर्माणधिन पक्की पुलको स्थलगत अनुगमन गरेका छन् । पुल निर्माणमा लामो समय लागेपछि मुख्यमन्त्री शाहीले त्यसको अनुगमन गरेका हुन । करिडोरको सिमकोट हिल्सा सडक अन्र्तगत नाम्खा गाउँपालिका वडा नं १ हेक्पा खोलामा सो पुल पदर्छ । बिगत पाँच वर्षदेखि उक्त पुल निर्माणधिन अबस्थामा रहेको छ ।
शुक्रबार बिहान मुख्यमत्री शाही सो पुलको अनुमगन गर्न स्थल मार्गबाट गएका थिए । पुल निर्माणको गति हेरेपछि मुख्यमन्त्री शाहीले ढिलो गरि भई रहेको काम प्रति असन्तुष्टि जनाएका छन् । उत्तरी क्षेत्रका दुई वटा नाकाहरु हिल्सा र लिमी लाच्पामा यातायात सुचारु गर्न हिल्सा सिमकोट सडक आयोजनाले निर्माण कम्पनी मार्फत पाँच वर्षदेखि काम गर्दै आएको छ । हालसम्म उक्त पुलको एकातिरको पिलर निर्माण भएको छ भने अर्कोतर्फ निर्माणधिन अबस्था मै रहेको छ ।
निर्माण स्थलमै उनले काम छिटो गर्न निर्माण कम्पनी पक्षलाई निर्देशन समेत दिएका छन् । यसरी बिकास चाँडो नहुँने बताउदै उनले जति सक्दो काम चाँडो सम्पन्न हुनु पर्ने बताएका छन् । हेक्पा खोलामा मात्र नभएर उत्तरतर्फ अन्य तीन वटा पुलहरु ग्याग्रुखोला, सस्ली खोला र याङ्गार खोलाका पुलको अबस्था पनि यस्तै रहेको छ ।
बहुबर्षीया योजनाका रुपमा रहेका यी पुलको निर्माण कार्य चाँडो नहुँदा सडक निर्माण भएपनि उत्तरतर्फ यातायात सुचारु गर्न कठिन हुने गरेको छ ।