प्रदेश सरकारवाट प्राप्त सोलार स्वास्थ्य चौकी, विद्यालय र गाउँपालिकामा जडान कार्य सम्पन्न गरिएको छ । खार्पुनाथ गाउँपालिका केन्द्र याँङचु वजार र सोही गाउँपालिकाको वडा नं ५ को स्वास्थ्य चौकीमा जडान गरी वत्ती झिलीमिली भएको छ । कर्णाली प्रदेश सरकारको आर्थिक सहयोगमा उक्त सोलार जडान गरिएको खार्पुनाथ गाउँपालिका वडा नं ५ का वडा अध्यक्ष भरत जंग शाहीले बताएका छन् ।
यस अघि स्वास्थ्य चौकीमा जडान गरिएका ६ किलो वटाका सोलार विद्यालयमा विद्यार्थीलाई पठन पाठन गर्न सहज होस भन्ने हेतुले विद्यालयलाई उपलब्ध गराइ जडान गरिएको छ । खार्पुनाथ गाउँपालिका वडा नं ५ को मान्धारा माध्यामिक विद्यालय भकुण्डामा उक्त सोलार हस्तान्तरण गरिएको हो । सो सोलार जडान भए पछि विद्यालयमा कम्युटर संचालन गर्न र अन्य उज्यालो गर्न सहज भएको सोही विद्यालयका प्रधानाध्यापक दिलबहादुर शाहीले बताएका छन् ।

खार्पुनाथ स्वास्थ्य चौकीलाई प्रदेश सरकारले ८ वटा सोलार प्यानल, १२ वटा व्याट्री, डिसी वक्स १ वटा, सोलार टियुव १ वटा, लाइन वक्स २ वटा र सोलार स्टेन ४ वटा उपलब्ध गराइएको र जडान कार्य समेत प्रदेश सरकारको आर्थिक सहयोगमा भएको अध्यक्ष शाहीले बताएका छन् । स्वास्थ्य चौकीमा सोलार जडान भए पछि २४ सै घण्टा सेवाग्राहीलाई सेवा प्रवाह गर्न सहज भएको, यस अघि रातीको समयमा सेवाग्राहीलाई सेवा प्रवाह गर्ने, प्रसुती सेवा प्रवाह गर्न समस्या भएकोमा अहिले सहज भएको सोही स्वास्थ्य चौकी इन्चार्ज हरिभक्त शाहीले बताएका छन् ।

त्यसै गरी खार्पुनाथ गाउँपालिका केन्द्रमा सोलार जडान गर्दा यस अघि विद्युत अवरोध हुँदा झेल्दै आएको समस्या समाधान भएको सोही गाउँपालिका प्रमुख प्रसासकिय अधिकृत विष्णुबहादुर शाहीले बताएका छन् । अव विद्युत अवरोध हुँदा सेवाग्राहीले पाउदै आएको सास्ती अव समाधान भएको प्रमुख प्रसासकिय अधिकृत शाहीले बताएका छन् । विद्युत अवरोधले जनताका कुनै पनि काम नरोकिने शाहीले बताएका छन् ।
गाउँपालिकामा ३० किलोवाटको, स्वास्थ्य चौकीमा १० किलो वाटको र विद्यालयमा ६ किलोवाटको सोलार जडान गरिएको अध्यक्ष शाहीले बताएका छन् ।