नेकपा माओवादी विप्लब पार्टीले एक दिन नेपाल वन्दको घोषणा गरेको छ । उक्त पार्टीका हुम्ला जिल्ला जनसरकार प्रमुख विश्वदिपका अनुसार भाद्र ७ गते नेपाल वन्दको घोषणा गरिएको बताएका छन् ।
भाद्र १ गतेबाट सुरु भएको विभिन्न चरण अन्तरगतका कार्यक्रमहरुमा भाद्र ६ गते वेलुका जिल्लाका ३ वटा गाउँपालिकामा मसाल जुलुसको आयोजना गरिएको छ । मसाल जुलुस खार्पुनाथ, ताँजाकोट र सर्केगाड गाउँपालिकामा वेलुका ७ वजे निकाल्ने भएको छ ।
यस अघिको सरकार सँग सम्झौता भई सान्ति प्रक्रियामा आइ सकेपछि नेकपा माओवादीका महासचिव विप्लब सहितका ३८ जना नेता तथा कार्यकर्ताको नाउँमा पक्राउ पुर्जी जारी गरेको, पेट्रोलिम पर्दाथ सहित दैनिक उपभोग्य सामाग्रीमा महंगी बढेको र एमसिसि पासका विरुद्धमा भाद्र ७ गते नेपाल वन्दको घोषणा गरिएको सोही पार्टीका जिल्ला जनसरकार प्रमुख विश्वदिपले बताएका छन् ।
नेकपा माओवादी सहित जिल्लाका अन्य ४ पार्टीको संयुक्त आयोजनामा सो नेपाल वन्दको घोषणा गरिएको उक्त पार्टी हुम्लाका जनसरकार प्रमुख विश्वदिपले बताएका छन् । उक्त पार्टीले भाद्र १ गते देशै भरका जिल्ला प्रशासन कार्यालयमा ज्ञापन पत्र, कोण सभा लगाएतका कार्यक्रम गरेको थियो ।