हुम्ला जिल्लाका जनप्रतिनिधि जनताका लागी उदारणीय बन्दै गइ रहेका छन् । स्वत स्फुरतरुपमा काम गर्न पाएमा हुम्लाका जनप्रतिनिधिले पनि जनताको हितका लागी काम गर्न सक्छन् भन्ने उदारण खार्पुनाथ गाउँपालिका वडा नं ५ का वडा अध्यक्ष भरतजंग शाहीले यति वेला गरि रहेका छन् ।
वडा पालिकाको पहिलो बैठकबाट शाहीले उक्त वडाको जनताका हकहित, शिक्षा, स्वास्थ्य, गाँस वासलाई पहिलो प्राथामिकतामा राखी काम गर्ने बाचा गरे बमोजिम हाल उक्त वडामा सोही बमोजिमको काम गरि रहेका छन् ।

यस अघि आफ्नो पारिश्रमिकबाट उक्त वडाका विपन्न २४ घरधुरीलाई खाध्यन्न उपलब्ध गराएका शाहीले बुधावार आज दलित बालविकासलाई मनोरन्जनका सामाग्री संगै स्टस्नरीका सामान उपलब्ध गराएका छन् । दलित बाल विकास केन्द्र खार्पुनाथ ५ वडाको दलित वस्तीमा स्थापना भएको उक्त विद्यालयलाई आज १ कार्यक्रमका विच सो सामाग्री हस्तान्तरण गरेका हुन ।

हाल उक्त बालविकास केन्द्रमा २४ जना बालबालिका रहेको बताइएको छ । उक्त सामाग्री प्राप्त भए पछि सो बालबिकास केन्द्रमा अध्ययनरत बालबालिकालाई पठन पाठन गराउन सहज भएको बालबिकास केन्द्र शिक्षिका डाँफु सुनारले बताएकी छ ।

स्टेस्नरी र मनोरन्जनका सामाग्रीहरुमा कापी, कलम, पेन्सील, डिजिटल इरेजर र मनोरन्जनका सामाग्रीहरु गुडिया लगाएतका रहेका छन् । अंक अक्षरमा लेखेका सामाग्रीहरु समेत उपलब्ध गराइएको अध्यक्ष शाहीले बताएका छन् । जसले गर्दा बालबालिकालाई अंक अक्षरहरु चिनाउन सहज भएको शिक्षिका सुनारले बताएकी छन् ।