हुम्ला जिल्ला खार्पुनाथ गाउँपालिका वडा नं ५ को पहिलो बैठकले वडा नं ५ का कुनै पनि व्यक्तीले मृत्युबरण गरेमा १० हजार किरिया खर्च दिने निर्णय गरेको थियो । वडा अध्यक्ष भरतजंग शाहीको अध्यक्षतामा वसेको पहिलो बैठकले गरेको निर्णय हाल क्रमस कार्यन्वयन हुँदै आएको छ ।
यसै बिच खार्पुनाथ गाउँपालिका वडा नं ५ का पुल्ती सरा शाहीको यस अघि आफ्नै कालगतिले निधन भएको थियो । निजको निधन भएको भनी वडा पालिकामा मृत्यु दर्ता प्रमाण पत्रका लागी निवेदन परे थियो ।
उक्त निवेदनका आधारमा खार्पुनाथ गाउँपालिका वडा नं ५ को पहिलो बैठकले गरेको निर्णय बमोजिम वडा अध्यक्ष शाहीले मृतकका घर परिवारलाई भेटी किरिया खर्चबापत १० हजार रुपैया उपलब्ध गराइएका छन ।
यसले गर्दा निहुन आयश्रोत भएका व्यक्तीहरुलाई मृत्युबरण गरेका व्यक्तीहरुका परिवारलाई वैधिक विधि अनुसारका कर्म गर्न सहज हुने अध्यक्ष शाहीले बताएका छन् ।
खार्पुनाथ गाउँपालिकामा बसोबास गर्ने गर्भवती तथा सुत्केरी महिलाको सोही गाउँपालिकाको अस्पतालमा उपचार हुन नसके वाहिर रिफर गर्नु परेमा जिल्ला अस्पताल सम्मको गाडी भाडा र विधुत निसुल्क गर्ने प्रतिवद्धता गरेका थिय । हाल उक्त वडाले गाउँपालिकाबाट जिल्ला अस्पतालमा रिफर भएका गर्भवती तथा सुत्केरी महिलाको गाडी भाडा र विधुतको महसुल तिर्दै आएको छ ।

मृतक आत्मको चिर शान्तीको कामना गर्दै शोकाकुल परिवारजन प्रति इश्वरले धैर धारण गर्ने शक्ती प्रधान गरुन भनी मानसरोवर टाइम्स साप्ताहिक परिवार हार्दिक संवेदन प्रकट गर्दछ ।