२३ मंसिर २०८२, सोमबार
राज शाही बिहिबार, साउन ०५, २०७९ मा प्रकाशित
हुम्ला जिल्ला भरिबाट उत्कृष्ट ठहरिएका सफल उद्यमी पुरस्कृत भएका छन् । स्थानीय अर्गानिक उत्पादनहरुको उत्पादन र बजारीकरण गर्दै आएका उद्यमी मुकुन्द रोकाया पुरस्कृत भएका हुन । उद्योग तथा उपभोक्ता हित संरक्षण कार्यालयका प्रमुख धुर्बकुमार बाठामगरका अनुसार सिमकोट गाउँपालिका–६ मा स्थापना भएको स्वबर्ण सिमकोट खाद्य उद्योगका सञ्चालक पुरस्कृत भएको छ ।
मुल्याङ्कन समितिको निर्णय अनुसार उक्त उद्योग छनौट भएर पुरस्कृति भएको हो । पुरस्कृत हुने उद्योगका सञ्चालक रोकायालाई एक लाख रुपियाँको चेक हस्तान्तरण गरिएको थियो । उक्त उद्योगबाट जौको सातु, बिस्कुट, चिनोको चामल, फापरको पिठो, खाबु, चुली, ढँटेलोको तेल, सिमि, सिस्नुको पाउडर उत्पादन गरेर जिल्ला बाहिर पैठारी हुने गर्दै आएको छ । त्यसैगरि स्थानीय अन्नलाई पनि पिस्ने कार्य हुदै आएको छ ।
उक्तृष्ट उद्यमी ठहरिए पछि सफल उद्यमी रोकायाले काम गर्ने हौसला मिलेको बताएका छन् । उनले अब आफ्नो पेशालाई अझै बिस्तार गर्ने योजना रहेको जानकारी दिएका छन् । करिब एक करोड लगानी गरेर उनले केही वर्ष अगाडी उक्त उद्योग स्थापना गरेका थिए । कार्यालयको सफल उद्यम र उद्यमी पुरस्कृत गर्ने कार्यक्रम अन्र्तगत उनलाई पुरस्कृत गरिएको हो ।
जिल्ला अस्पतालको प्रसुति गृहका लागी ३५ प्रकारका सामाग्री हस्तान्तरण
जिल्ला स्वास्थ्य सेवा कार्यालय हुम्लाले इन्फ्लुएन्जा (फ्लु) बाट बच्न आग्रह
घरपालुवा पशुलाइ जंगली जनावर भालुले क्षेती पुर्याय क्षेतीपुर्ती पाउने
